skip to main |
skip to sidebar
- لما اتمرجح على المرجيحه اللى انا بحبها
- لما انزل الميه
- لما اخرج واروح فسحه حلوه
- لما اكل اكله بحبها
- لما اتغطى بالحاف وانا سقعانه
- لما اشرب كاكاو ف الشتاء
- لما اروح الملاهى
- لما اروح السينما(طبعا لما يكون الفيلم حلو
- لما اسمع اغنيه بحبها
- لما انام وانا جعانه نووم
- يوم لما خلصت امتحانات
- يوم لما النتيجه طلعت
- لما اشرب مياه ساقعه والجو حر
- لما اشترى لحد هديه وتعجبه
- لما اخد العيديه
- لما مصروفى يزيد
- لما بلاقى ف الهدوم فلوس
- اكيد طبعا فى حاجات تانيه والحاجات دى اكيد شايفينها حاجات عيالى وهايفه بس بجد هى دى اللى بتبسطنى
9 comments:
السلام عليكم
شوفتى اللحظة التاريخية اللى انا جيت فيها ؟؟
يدوب كنت بشوف التعليقات ورجعت الصفحة لقيت بوست جديد
وبرغم انى زعلانة ومقهورة عشان طنشتى تعليقى المرة اللى فاتت
وبرغم انك رديتى على الكل ماعدا انا
الا انى بمنتهى الروح الرياضية هعلق
احم احم
بصى ياستى
الحاجات اللى بتبسطك دى اولا محدش يقدر يقولى عليها عيالى ومش عارف ايه
اولا .. طالما الحاجات دى بتبسطك فيها تستحق كل تحية واحترام واهتمام لانك شخص كامل عاقل وقادر ومفكر وليكى كيانك اللى المفروض يحترم
ثانيا : مش شرط انها تبقى حاجات ضخمة وكبيرة طالما بتسعدك وبتبسطك انتى فاكيد هيا بالنسبة لك الدجنيا ومافيها
ثالثا .. الحاجات دى فعلا بسيطة بس حلوة اوى
يعنى انتى بتدور على ابتسامه صافية خارجة من القلب
ولحظة راحة فى خضم حر شديد او تعب رهيب
ودى حاجات تبسط فعلا
انا طولت
صح؟؟؟
مش مشكلة
انا قولت فى عقل بالى يمكن تشوفى التعليق بتاعى ويبسطك
:)
هههههههه والله ضحكتينى يا حدوته بس والله مخدتش بالى من الكومنت يا رب تكونى سامحتينى
دايما بتيجى فى اللحظات التاريخيه بس المره دى كانت الساعه اتنين و نص يعنى مفرقتش اوى
بس بجد متشكره اصلى كنت ساعات بحس ان الحاجه الهايفه هى اللى بتبسطنى
سلام
اه سامحتك
:)
هوا انا خلفت غير نفرتيتى؟؟؟
انتوا كلكوا اولادى
:)
مروه ؟؟ انتى داخله طب بتاعتنا .. بتاعت التشريح و الباطنه و الجراحه .. و لا طب بتاعت كي جي ون :))) احلامك طفووووليه للغايه و لذيذه ع الاخر .. بس مش هينفع تفضلى تستمعتى بيها كتير هههههه
مجرد ما هتبدأ الكليه و الجد الموضوع هيبعد عن الحاجات دي كلهااااا
ربنا يفرحك كمان وكمان :) و يبعد عنك اليأس و الهم و الاكتئاب
شكرا يا زنجولا انا والله عارفه اللى انت بتقوله ده والناس كاهم قالولى دى كليه مش سهله بس المشكله ان دى طبيعتى هى دى فعلا الحاجات اللى بحبها صعب اغيرها بس اكيد هتتغير بالزمن
احلى حاجة فى الحاجات اللى بتبسطك و اللى برضه ممكن تخلينى مبسوط لما انام و انا جعان نوووووووووومممممممم
النوم بقى حاجة شبه مستحيله سواء بسبب التفكير فى المشاكل اليومية او المستقبلية او بسبب الحر اللى محصلش قبل كده
sharlishablin
متشكره جدا على المشاركه
بس ليه النوم اجه مستحيله انما لو عندى اى مشكله برميها ورا ضهرى وانام لو انا تعبانه دى حاجه مش بقدر اقاومها
هو انتي بتاخدي العيديه كام هههههههه
ايه اخبار سنانك مش بتحبي الشيكولاته
لما تلاقي في الهدوم فلوس بسم الله الرحمن الرحيم انتي دايما بتلاقي فلوس في جيبك حاسبي ليكون عفرييت بيحط الفلوس دي ههههههه
تحياتي ليكي وبطلي اكل الشيكوووووووولاته
WAHED
يعنى اصل انا بحب اخد العيديه جدا بصراحه بكون مستنيه العيد عشانها مباخدش رقم محدد يعنى بس بابا وتيته وقرايبى بيدونى
انا باكل الشكولاته بس الحمد لله سنانى كويسه وميجرلهاش حاجه ربنا يستر على اللى جاى
الهدوم مفهاش عفاريت ولا حاجه ده انا يعنى يووم مبلاقى فلوس بالكتيير اوى يعنى بيكونوا 10جنيه يمكن يكون فيه عفاريت وانا معرفش
سلام
Post a Comment