RSS

كل سنه و انتوا طيبين


العيد قرب كل سنه و انتوا طيبين :) قولولى بقى هتعملوا ايه ف العيد و هتقضوه فين ؟
1- هتسافروا
2- أو هتخرجوا مع اهاليكوا و تزروا قريبكوا
3- ولا هتخرجوا مع صحابكوا
4-مش هتعملوا حاجه و هتقعدوا ف البيت
:D
متنسوش تبقوا تقولوى رأيكوا و نقدكوا ف الرسمه العجيبه اللى انا رسمتها :D

حكايه مدفع الافطار


معلومه ف السريع :D
تكاد تجمع المصادر على أن مدينة القاهرة بمصر كانت أول مدينة إسلامية أطلقت المدفع عند الغروب إيذانا بالإفطار في شهر رمضان، وذلك عندما تم إطلاق مدفع الإفطار لأول مرة -عن طريق الصدفة- عند غروب أول يوم من شهر رمضان عام 859 هـ. وقد حدث ذلك عندما أهدي إلى السلطان المملوكي "خوشقدم" مدفع فأراد تجربته للتأكد من صلاحيته فصادف إطلاقه وقت المغرب بالضبط من أول يوم في رمضان ففرح الناس اعتقادا أن هذا إشعار لهم بالإفطار وأن السلطان أطلق المدفع لتنبيههم إلى أن موعد الإفطار قد حان في هذه اللحظة. وذهبوا إلى القاضي في اليوم التالي لينقل شكرهم للسلطان وعندما علم السلطان بسعادتهم بذلك أمر بالاستمرار في ذلك وزاد على مدفع الإفطار مدفع السحور ومدفع الإمساك.

حادث الدويقه

- ارتفاع عدد ضحايا حادث انهيار جزء من الجبل على مجموعة من المنازل بمنطقة الدويقة إلى 31 قتيلا.
وتشير بعض التقديرات إلى أن أعداد الاشخاص تحت الصخور قد تصل إلى 500 شخص.

رمضان كريم

كل سنه وانتو طيبين و رمضان كريم عليكو كلكوا عاملين ايه ف رمضان السنه دى ؟ هل حاسين انه مختلف عن السنين اللى فاتت و لا مفيش جديد ؟ جبتوا فانوس و لا لأ؟
:D
و ايه اكتر حاجه بتحبو تعملوها ف رمضان؟
دول رسمتين كده رسمتهم السنه دى

:D و المسحراتى و دول كمان كنت رسماهم وحطاهم ف البلوج السنه اللى فاتت :D :)

متنسوش تقولولى ايه رايكم ونقدكم ف الصور :D


اسف على الازعاج



فيلم جديد و شخًصيه مختلفه و دور جديد للفنان احمد حلمى مش عايزه احرق قصه الفيلم بس انا رايى انه فيلم اكتر من رائع وان احمد حلمى برع ف تمثيل دور شخص مريض بالانفصام (schizophrenic personality) مش عايزه احرق قصه الفيلم للناس الى ما راحهوش حد شاف الفيلم؟ وايه رايوا فيه ؟ طب اللى شاف الفيلم رايه هل القصه دى ممكن تبقى واقعيه و لا بعيده عن الواقع؟ انا رايى انها شخصيه بعيده عن الواقع شويه مهما كان الانسان مريض و متخيل فعلا ان دول اشخاص حواليه ميوصلش الموضوع لانه يروح معاهم اماكن و يقضى معاهم ايام وهم اشخاص وهميين اصلا!!
song el meraya sherine from asef 3 el ez3ag
http://rapidshare.com/files/141940740/elmraya.m3u.html