اسفه جدا على التاخير اللى حصل ده انا السنه دى مكتبتش ف البلوج حاجه انا مش هجيب اعذار انا عارفه انه اهمال منى يا ريت تسامحونى :(
عايزين نعيش ف الفريزر
عمرنا مشوفنا حر اد الحر اللى شوفنا السنه دى !! الواحد مجرد ميطلع راسه من الشباك ف البيت يحس ان راسه استوت بجد لازم يبقى فيه حل للموضوع ده و يبقى فيه قوانين صارمه ف العالم كله عشان نسبة التلوث اللى بتزيد يوم عن يوم دى تقل شوية و الحر ده يفك علينا او يقل حتى - درجه الحراره ف موسكو اللى ف شمال اوروبا اللى المفروض انها تلج وصلت ل 35 !!! الناس اللى عمرهم مشافو الصيف و متعودين ع الساقعة دلوقتى هيفطسو م الحر و المراوح عندهم خلصت و عايزين يستوردو تكييفات طبعا مكنوش بيجيبوها قبل كده لانهم مكانوش
محتاجينها
ربنا يستر علينا
سواق التاكسى و العلم
من كام يوم كنت راكبه تاكسى كان الجو حر جدا و كنت واقفه ف الشارع مش طايقه نفسى بعد ما ركبت الراجل بيقولى مش عارف الناس مالها ماشيه مكشره كده ف الشارح ضحكت و قولتله ازاى مش عارف مش شايف الحر اللى احنا فيه ليهم حق طبعا يمشو متنحين و مكشرين قالى و الله الحر و الفقر هدو الناس و معدوش طايقين نفسهم و قعد يتكلم ف حاجات كتير ع الزحمه و المرور و ع الناس و الانتماء لمصر مكنتش مركزه معاه لانى تقريبا كنت نمت من كتر التعب المهم لقيتو رجع بالكلام على ايام ماتش مصر و الجزاير لما كنا كلنا حطين اعلام مصر ف البلاكونات و التاكسيات و عل المحلات و كل حته و كان منظر جميل و الكوره كانت مجمعه الناس كلها بيقولى ابص الاقى فلاح راكب على حمار و حاطط علم مصر عليه بيقولى زعلت و قولتله بقى كده علم مصر يتحط على الحمار برضه قالو و ايه المشكله هو يعنى كان حمار من الجزائر ساعتها فضلت اضحك قولتله بس برضه ايه المشكله يعنى يكفى ان الراجل فرحان و نفسه ان بلده تكسب وبعدين حتى بعد ما نزلت قولت احنا فعلا ممكن فينا اللى يضايق و يقول دى اهانه لبلدنا و ممكن حد تانى يضحك على الموقف زى ما انا ضحكت لما سمعته بس انا بقول يعنى الفلاح ده راجل بسيط و غلبان و بالنسبه له الحمار ده حاجه مهمه ف حياته و بيركبه كل يوم و بينقل عليه الخضار و الحاجات بتاعته فهو حس ان الحمار ده حاجه كبيره عشان كده حط العلم عليه ده رايى يعنى وبغض النظر هو حطه على ايه يكفى ان ده موقف يثبت ان المصريين بجميه فئاتهم بيحبو بلدهم مهما شتمو فيها :)
عايزين نعيش ف الفريزر
![](https://blogger.googleusercontent.com/img/b/R29vZ2xl/AVvXsEjpVbq-quayrNHstcH7E0P8luhiJusGeSz3IMcylSOMqFNeUsAr3QZwfDYCPfCuoO-3oyP820R1u8m4axKGxSaCxaSVpCOazwxD5CA5B0f0xFcef84d5g__fdXaU-5CQ6mhcIODMtBQqfjx/s200/img_large_947.jpg)
محتاجينها
ربنا يستر علينا
سواق التاكسى و العلم
![](https://blogger.googleusercontent.com/img/b/R29vZ2xl/AVvXsEgTtk5MMgygPQwJkNRjtCx_PqaY6U5bf8mRwVpTxfgTe3M0i-RVA7HB6sRTLFU-UvbvtmwjIzofAj4CwEuXwMfixpcJbrkruZfV-7y_rYc-GNDGS_uTuPzKWSc77fztx3SdQILUlX81bi1c/s200/Hot+Taxi.jpg)
10 comments:
حمدالله علي السلامه والمدونه نورت بصحبتها
________________
انتي عارفه انا بجد مبحبش الصيف خااااالص ,حر بقي وزهقان وملل
وسهر بالليل وصحيان بالعاااااااااااااافيه عشان الشغل يعني عذاب يومي
_________________
بخصوص مباراة مصر والجزائر فعقولنا مصرييين وجزائرييين كانت في اجازه .....وعلي فكره لو دخلتي مدونتي هتلاقي رايي عن تلك المباراة قبل اخر بوست كتبته
___________________
شكل المدونه اصبح جميل جدا
بلدى وان جارت عليا عزيزة ونعيمه وفتكات:))
اه والله الحر دا بقى مالهوش حل ربنا يستر على الايام اللى جايه كل سنه وانتى بالف خير وصحه وسعاده يا جميله
الله ينور يا باشا على المقال الصغير حجما الجامد مضمونا خصوصا انى واحد من الناس اللى الحر بيعصبها و يضيق خلقها
اكتب لنا حاجات تانية جميلة زى ديه
سلام
الف حمدلله على السلامه
بالنسبه للحمار
بصى ياستى احنا مش هنتبرا من اصلنا
مصر فى الاول والاخر اغلب المناطق فيها ريفيه
تحياتى
الحمدالله
التاكسى دلوقتى بقى مكيف
واللى يحب بلدة يشوفها جميله دايما
اكيد كلنا بنحب بلدنا رغم الحر والفقر
وده اهم شئ
تحياتى
rack urminds
--------------
الله يسلمك حمد الله ع السلامه :)
انا دايما بحب فصل الشتا اكتر من فصل الصيف للاسباب اللى قلت عليها كمان الحر بيخلى الواحد يحس انه كسلان ومش قادر يعمل حاجه خالص البرد على لاقل بينعنش الواحد كده و يبفوقه و لو الدنيا ساقعه اوى الواحد يدفى نفسه ويشغل الدفايه و يشرب حاجه سخنه و نايم تحت البطانيه :)
موضوع الماتش ايامها كانت الحكايه مولعه سواء من عندنا او عندهم ده غير كمان اللى كانوا بيحاولو يولعوها زياده من بره
شكرا انا قلت اغير شكلها عشان نفسى تتفتح ارجع اكتب فيها تانى :)
---------------------------------
blue_wave
--------
هههههههه
اكيد طبعا منور يا دكتور عمرو :D
---------------------------------
طوبه فضه و طوبه دهب
---------------------
ربنا فعلا يستر علينا انا مش عارفه بعد كده هيجرالنا
ربنا يرحمنا برحمته الواسعه
---------------------------------
Ahmed
------
انا مبسوطه انه عجبكو متشكره
جدا على تعليقك :)
---------------------------------
داليا
------
الله يسلمك ميرسى يا داليا
وكلامك مظبوط فعلا الفلاحين دول نسبه كبيره من عددنا ف مصر و هو يكفى انه عمل حاجه عبر بيها عن حبه لبلده :)
-----------------------------------
جايدا العزيزى
--------------
شكرا لتعليقك نورتى المدونه :)
----------------------------------
السلام عليكم
في الحقيقة الأكل المصري لا يعلى عليه وله نكهته وطعمه المييز بالذات في مصر لأنها بها البركة وأهلها خيرين ونفسهم حلو
بارك الله فيكم وكل عام وانت بخير
طبعا مفيش احسن من اكلنا و نفس اهلنا
منوره البلوج انتى نسيتى و كتبتى التعليق ف البوست اللى بعض موضوع الكشرى بس و لا يهمك منوره البلوج :)
طيب تصدقي ان العسل الاسود بيعرفوة في امريكا و بيسموة المولاسيز (المولاس) و بياكلوة عادي زينا
تقريبا احنا مباقش عندنا تخصص الا في الفول و الطعمية و الكشري
Post a Comment