1-اكيد كلنا سمعنا عن اللى حصل و عن تسريب الامتحانات االى انتشر السنه دى بصوره ملحوظه و مش فى المنيا بس لأ ده فى معظم المحافظات تفتكروا مين اللى مسئول عن تسرب الامتحانات ؟؟ هل فقط الاشخاص اللى سربوا الامتحانات ولا هو خطأ منظومه باكملها ؟
2- ايه تفسيركوا لصعوبه الامتحانات هذا العام و خصوصا شعبه الرياضيات ؟
3- ايه تفسيركوا كمان لاعلان الجامعات الخاصه ان الطب هتاخد من 90 % و الهندسه 70 % و الحاسبات 65 %
عايزه اعرف رايكوا ؟
8 comments:
الواضح ان فيه خلل فى النظام من الأساس كله بايظ جت على التعليم يعنى؟
رأيي(لا حول و لا قوة الا بالله) ربنا يوفقك
blue wave
------------
انا رايه برضه انه خطا منظومه لان لو كان التعليم سليم ومتقدم كنا قلنا ان تسريب الامتحانات ربما تكون غلطه بعض اشخاص لكن لما يكون فى مشاكل ف التعليم و المدارس الحكوميه و الثانو يه العامه اللى لوحدها مصيبه يبقى الخطا خطا منظومه
-------------------------------
عروس البحر
------------
منوره المدونه و اتمنى تزورى المدونه على طول
و فعلا
لا حول و لا قوه الا بالله
هما الظاهر عاوزين يرجعوا الثانويه العامه زى زمان
و الله الثانويه العامه دى بقت بعبع
الحمدلله اننا خلصناها و عدينا منها على خييير
هيكون ايه يعنى يا نفرتيتى
مستكترين علينا اننا حتى نتعلم
وبعدين لاقوها فرصه جديده عشان يقللوا الكثافه السكانيه
ازيك يانفرتيتي
اخبارك ايه
يارب تكوني كويسة
موضوع التعليم والثانوية العامة تحديدا محتاج مجلدات علشان يتبحث يانفرتيتي
ومن سدة النفس بطلت اكتب في مدونة التعليم بسبب المسخرة اللى بتحصل في الامتحانات دي
موضوع تسريب الامتحانات طبعا مصيبة وبجملة المصائب الكتيرة اللى مش لاحقين عليها والتي تبين قد ايه الفساد انتشر لدرجة ان الاهالي بنفسهم بيساهموا في الغش علشان اولادهم يحتلوا اماكن ليست من حقهم
ودي مصيبة تانية من مصائبنا
منظر الاغماءات والنواح والنحيب المصاحب لكل امتحان وبكاء اولياء الامور ايضا محتاج وقفة كبيرة جدا لان ده زي ماهو تعبير عن خيبة الامل في التعليم فهو تعبير ايضا عن خيبتنا القوية كاولياء امور طلبة مفروض يتعودوا يتحملوا المسؤولية اكتر من كده
مش معقول الاسلوب التبريري اللى كل ام واب طالعين يقولوه وكأنهم دخلوا جوة دماغ اولادهم وعارفين انهم شربوا العلم وتشبعوا به
بعدين حكاية التعليم الخاص ده بيزنس كبير وعلى اعلى مستوى ياعزيزتي وفيه ناس كبار معمول لهم الهيصة دي مخصوص علشان يسترزقوا
انت متصورة ان اصلا التعليم العام سيتحول لتعليم بفلوس الفترة القادمة
فطبيعي انهم يشجعوا الجامعات الخاصة علشان السبوبة فيها مبالغ كبيرة وحلوة وعيب تروح لجيب ناس تانية
ده حتى طباخ السم بيدوقه
ههههههههههههه
ازيك يانفرتيتى
اول مرور ليا هنا فى مدونتك بصراحة ستايل جديد ماشفتوش قل كده وطريقه عرضك للموضوعات كمان جديدة وعاجبانى بس مش عارفه دايما فين رايك؟
عموما انا رايى ان المنظومه كلها فاشلة والله والفساد بقى سايد وكأنه هو الطبيعى والالتزام هو اللى غلط..وبعدين فين بقى المصالح الشخصية؟؟
يابنتى سيبى الناس فى حالها خليها تاكل عيش وجاتوه..تقبلى مرورى
دمت بكل خير
إذا ضيعت الامانه فانتظر الساعه
هو ده كل ما في الامر
احنا في زمن
ضاعت فيه الامانه
يا رب ثبتنا
واحفظنا من الفتن
مدونتك جميله جدااا
تحياتي
أمير الهدوء
احمد
Post a Comment