ف يوم الجمعه اللى فات أعلنت العاصمه النرويجيه فوز الرئيس أوباما بجائزه نوبل للسلام
حصوله على الجائزه كان يعتبر مفاجأه لكل العالم هو نفسه حتى اتفاجىء لما عرف انه حصل على الجائزه و قال انا أخذت الجائزه دى مقابل ايه ؟
ف رأيكوا هل فعلا يستحق انه ياخد الجايزه دى ؟
انا شخصيا شايفه انه ميستحقهاش صحيح هو قدر او حاول الفتره اللى فاتت انه يغير نظره العالم لامريكا و خصوصا المجتمع العربى و انهم مش هيدخلوا ف حروب تانى و يحاولوا يعيشو و يعيشونا احنا كمان ف سلام الا انه ف الاول و الاخر ده لسه مجرد كلام يعنى لسه الفعل مبدأش أو لو كان بدأ هيبقى بجزء صغير
يعنى مفيش انجاز مبهر عمله يستحق انه ياخد بيه الجائزه دى يعنى و خصوصوا ان فتره حكمه لم تتجاوز الشهور لحد دلوقتى
غير كده ان المرشحين للجايزه دى كان فى ناس عاملين مجهودات كبيره فعلا فى تحقيق السلام زى التحالف الدولى لمكافحه القنابل العنقوديه اللى نجح فى اقناع 100 دوله على التوقيع على معاهده بتحظر استخدام هذا النوع من القنابل
و فى منهم رئيس زيمبابوى اللى جازف بحياته اكتر من مره من اجل تحقيق السلام
يعنى انا مش فاهمه جايزه نوبل للسلام دى بيدوها للناس على اساس ايه بالظبط ؟
مش المفروض على الافعال و الانجازات و لا لمجرد ان حد يتكلم على انه عايز السلام يعم ف العالم
12 comments:
السلام عليكم
هو لايستحق الجايزة
هو عمل اية عشان يخدها
المسألة بقت مصالح والجوايز بقت وراها اهداف تانية
مع خالص تحياتى
?يابنتى انتى بتختفى فين؟؟
بتوحشينى اوىىىىىى
هو واضح يعنى ان الجايزه دى وراها حاجات تانيه
ya bnty an kano as7ab al gaaza flhm al 7ak an y3toha lmn arado lanhm ma shafosh atfal al grak wla atfal flsten lna allah
السلام عليكم ورحمة الله وبركاتة...
وحشاني قوىىىىىىىىىىىىىىىىى
وانا كمان معاكي في هذا الرئ لاننا لسة مشفناش اي حاجة وكمان فيه ناس كتير كانت تستحق الجايزة دية بس نقول ايه بقى ناس وناس ويارب نشوف حاجة من اللى هو بيقولها وميبقاش كلام وبس ونبقى ذى ناس بتشتري سمك في مية
ويبقى التواصل
دومتي بخير
سألجا للموت يعنى
ساذهب للموت
السلام عليكم ...
إزيك يا قمر...
حقيقتا أنا صدمت من أنه حصل عليه
على أي أساس
كما يقول المثل
ما صارلوا بالقصر غير إمبارح العصر
....
ولكن لا شيئ عجيب في هذا الوقت
اشاركك الراي
الايام خير برهان :)
على كده أنا عاوز جايزة نوبل في الصبر
خريج 2005 وعاطل
:)
تحياتي
السلام عليكم ورحمة الله وبركاته...
كل سنة وانت طيب وعيد سعيد عليك وعلى الأمة الأسلامية
دومت بخير
مش لازم يكون عمل عشان يستحق الجايزة..
ممكن يكون وراها مصالح او اهداف خفية..
او يمكن بيحرجوا الراجل من بابا انه يفضل فاكر الجايزة دي وموش يتسبب بقيام حروب تانية او يسعى ليها..
;g ski ,hkj 'dfm
اللي فوق ده كل سنه وانت طيبة بس بالهندي :)
مجامله ملهاش لازمه
تحياتى
Post a Comment