طبعا كلنا نفسنا فى اليوم اللى نحج فيه ونشوف الكعبه وندعى من قلبنا بس اكيد مش كلنا عارفين خطوات الحج اللى احنا المفروض نعملها واحنا بنحج او ممكن يكون فينا عارف بس مش كلنا لو كنا عرفناها يبقى عرفناها واحنا كبار او قبل مانروح نحج مثلا
فى مدرسه ف القاهره عملت فكره جميله جدا وعجبتنى اوى كنت قرات الموضوع ده ف جريده الاهرام تانى يوم العيد المدرسه قالت هتعلم الاطفال ازاى يحجوا و دربوهم اسبوعين كاملين على خطوات الحج وخلت الاطفال راحوا يوم المدرسه و حجوا ف الحوش طبعا مش حج بصحيح بس يعنى عملوا مراسم الحج كلها ف حوش المدرسه وحطوا كعبه ف الحوش وخلوا الاطفال طافوا حواليها وهما لابسين لبس الاحرام اللى وفرتهمهولهم المدرسه والبنات الاطفال لابسين الايشارب الابيض والعبايه البيضه وعمللهم تصميم كده كانه جبل عرفات وطلعوا عيه ودبحهولهم خروف و رمى الجمار وكل حاجه والاطفال كانوا مبسوطين جدا وهم بيعملوا كده
بجد عاجبانى جدا فكره المدرسه دى لانها تحبب الاطفال ف دينهم وتشجعهم انهم يطلعوا يحجوا لما يكبروا وكمان تعلمهم خطوات الحج من وهما صغيرين
فكره حلوه واسلوب كويس للتعليم وياريت دايما نحاول نبتكر طرق زى دى لنعليم الاطفال
5 comments:
السلام عليكم
وحشانى جدا يانفرتيتى
معلش انى بغيب كتير بس اصل النت بتاعنا حالته الصحيه غير مستقره
:)
جميله اوى فكره تعليم الحج للاطفال دى وبالطريقه دى
لو كل حاجه نتعلمها بالطريقه العمليه دى اكيد هنكون احسن
أنا سعيد جدا إن فيه ناس بدأو يستعملو دماغهم أخيرا في التعامل مع الأطفال ، عقبال ما نلاقي حد يستعمل مخه معانا احنا كمان
:)
فكرة حلوة جدا بس هل اكيد انها فى مصر ؟
بجد فكره جميله
---
كل سنه وانتي طيبه
بندقه
-----
زيك منوره المدونه
لا ولا يهمك كفايه انك زورتى مدونتى
يارت فعلا نعلم الاطفال كل حاجه بالطريقه دى والكبار كمان الواحد لما بيعمل الحاجه عملى بتبقى مفيده ومشوه اكتر و بتثبت ف دماغ الواحد جدا
----------------------------------
RAIN DROPS
----------
اهلا بيك ف مدونتى اعتقد دى اول مره تزورها
احنا فعلا عايزين حد يستعمل مخه معانا بدل ما كل حجه تبقى روتين كده او تتعمل من غير فهم
-----------------------------------
SHARLISHABLIN
----------------
ازيك يا شارلى قريب هزور مدونتك ان شاء الله انت ايه اخبارك دلوقتى؟ واستقريت ولا لسه؟
الفكره ف مصر انا متاكه لانها كانت مكتوبه ف الصفحه التالته ف جرنال الاهرام تانى يوم عيد الاضحى على مدرسه خاصه ف القاهره
-----------------------------
RACK UR MINDS
--------------
اهلا بيك يا واحد اتمنى تكون بخير
وانت طيب
Post a Comment