Crazy Nemo

تحية لطلاب جامعة الاسكندرية

2011-04-23T10:16:00.000-07:00

تطوع 150 طالب من طلبة السنه الخامسه من كلية الطب جماعة اسكندرية لانقاذ اطفال مستشفى الشاطبى بدأوا من اول الاسبوع ده يقسمو نفسهم الى ورديات كل وردية فيها من 5 ل 8 طلاب بيلاحظو الاطفال و يشوفو العمليات الحيوية عليهم و يسجلوها بجد حاجة جميلة جدا شكرا لهؤلاء الطلبة هم دول شباب مصر و ربنا يجعلو ف ميزان حسناتهم:)
http://www.ahram.org.eg/511/2011/04/22/27/74199/219.aspx

أنا.. يا إسرائيل

2011-04-14T19:19:00.000-07:00

مستشفى الشاطبى

2011-04-07T15:45:00.000-07:00

حسبى الله و نعم الوكيل ذنبهم ايه الاطفال دول انهم يبقو محطوطين متكدسين بالمنظر ده ؟!! ياخد نفسهم و لا بينامو ازاى ؟ و لا لو طفل عنده مرض معدى يعدى كام طفل بالمنظر ده ؟!!!! اهمال متعمد للمستشفى عشان تخرب ده غير الحريقه اللى حصلت ف 2006 و مات 12 طفل ف نفس المستشفى
ازاى يبقى 70 طفل ليهم 7 ممرضات ؟ هتلاحق على مين و لا مين ؟ اللى يشوف كده يقول مش لاقيين حد يشغلوه من كتر ما الناس كلها مرتاحه و بتشتغل بدل الشغلانه اتنين!!!
دى صفحة عاملة مناشده للقوات المسلحة و وزير الصحة للتوجه للمتسشفى من اجل انقاذها و ياريت احنا كمان نتبرع للمستشفى عشان يشترو للاطفال حضانات جديده هما لسه مش محددين مكان التبرع هيبقى فين احتمال يبقى جمعية رسالة المهم نحاول نساهم كلنا بقدر امكان فى انقاذ هؤلاء الاطفال و المطالبه بمحاكمة المسؤلين عن هذا الاهمال
مكان التبرع ان شاء الله هيتحدد قريب على الصفحة دى و شكرا للى عملو الصفحة و شكرا لاى حد ساهم فى طرح هذه المشكلةhttp://www.facebook.com/pages/%D8%AD%D9%85%D9%84%D8%A9-%D8%A5%D9%86%D9%82%D8%A7%D8%B0-%D8%A3%D8%B7%D9%81%D8%A7%D9%84-%D9%85%D8%B3%D8%AA%D8%B4%D9%81%D9%89-%D8%A7%D9%84%D8%B4%D8%A7%D8%B7%D8%A8%D9%8A/200435159990647?sk=info#!/pages/%D8%AD%D9%85%D9%84%D8%A9-%D8%A5%D9%86%D9%82%D8%A7%D8%B0-%D8%A3%D8%B7%D9%81%D8%A7%D9%84-%D9%85%D8%B3%D8%AA%D8%B4%D9%81%D9%89-%D8%A7%D9%84%D8%B4%D8%A7%D8%B7%D8%A8%D9%8A/200435159990647

اعتذار

2011-04-02T14:24:00.000-07:00

اعتذار واجب لشعب تونس باسم كل شعب مصر احنا اسفين بجد على المهزله اللى حصلت دى الناس دى مبتمثلش مصر خالص دول ناس من اعداء الثوره اللى بيحاولو يشوهو صورتنا قدام العالم و يفسدو العلاقات بينا و بينكو لكن ده مش هيحصل و الحصل ده لازم يقوي العلاقات بينا اكتر و اكتر و انا عايزه اعرف فين الشرطة ؟ ازاى كل الناس دى تدخل الملعب بالاسلحة و الشوم محدش فتشهم !!!!!
انتو مكنتوش تستاهلو مننا كده بالعكس كان المفروض نكركمك على اللى عملتو مع الاجئين المصريين عندكو رغم الازمة و الظروف الصعبه اللى كنت فيها بنكرر اسفنا مره تانيه
و بنعتذر كمان للحكم بتاع الجزائر و لشعب الجزائر

الشعب يحمى ثورته

2011-04-01T13:57:00.000-07:00

مشهد ميدان التحرير النهاردة كان مشهد رائع اثبت فعلا ان المصريين قادرين على حماية الثورة و انهم متيقظين يقدرو يجمعو نفسهم ف اى وقت مصر استقرارها فى محاكمة كل رموز الفساد عشان مش كل ما نتقدم خطوة بعد كده يطلعولنا تانى او يحاولو يوقعونا ف مشكلة نتلهى فيها من فتنة طائفيه و لا حريقه و لا مظاهرات فئوية و لا بلطجية و لا الله اعلم ايه اللى ممكن يعملو تانى! فمحاكمة هؤلاء الناس هو انهيار للثورة المضادة و بدايتنا ف التقدم و الاستقرار مصر استقرارها فى اعدام كل من قتل الشهداء و القضاء على كل يد ملوثة بدمهم بالنسبة لحكومة عصام شرف انا شايفه انها ف الفتره القصيره اللى مسكت فيها عملت حاجات كويسه جدا
1-يعنى قدرو يعملو عودة و نشاط سريع لاسهم البورصة و تعويض كل الخسائر اللى حصلت ف اول يوم
2-حل جهاز امن الدوله و لكن نمتنى ان يكون تم القضاء على هذا الجهاز تماما و لا يكون جهاز الامن الوطنى بديلا عنه و يتم محاكمة كل الفاسدين فى هذا الجهاز و باقى الاشخاص يتوزعو على مهن اخرى بالوزارة
3-اقالة رؤساء الصحف القومية و بداية جديدة لهذه الصحف
4-زيارة السودان و اتفاقيات للتنمية كان شىء جميل جدا وو فيها تحسين اللعلاقات بينا و بينهم و فوائد تعود علينا و عليهم و اتمنى نعمل زيارات زى دى ف بافى الدول العربية و عرفت كمان ان هشام البسطويسى و اسامه الغزالى حرب و مجموعة اخرى رايحين اوغندا للتحدث عن موضوع مياه النيل 5
- الاسبوع القادم سوف تتم اقالة قيادات من ماسبيرو ان شاء الله و ده بداية تطهير الاعلام http://www.masrawy.com/news/egypt/politics/2011/april/1/maspiro_week.aspx?ref=moreclip
6-عمل استفتاء بدون تزوير محدش فينا ينكر انه كان يوم جميل شهد بداية ايجابيه جديدة لشعب مصر
7-تكريم وزارة المالية لاسر الشهداء و صرف تعويضات و معاشات شىء جميل ان الدولة تكرمهم و لكن بالطبع ما سيشفى غليلنا و غليل هؤلاء الاسر هو اعدام كل من تسبب فى قتلهم
8- الحوار الوطنى و الاستماع لكل وجهات النظر من مختلف الناس و ياريت المرات اللى جاية يكون فى حضور لشباب الثورة عشان يقولو مقترحاتهم
دول اللى على بالى دلوقتى يعنى الحاجات ف مجملها كويس جدا و ربنا يوفقهم و يوفقنا جميعا و نقدر نحمى بلدنا و نعليها ان شاء الله

مصر هتتغير؟؟

2011-03-27T09:58:00.000-07:00

نساند شعب ليبيا

2011-02-27T03:13:00.000-08:00

يا ريت يا جماعه نتبرع بأى ادوية ف اسرع وقت لمكان من الاماكن دى اى حاجه قطن شاش خيط جراحة مطهرات مسكنات حقن اى
دواء اكيد هيفيد و ربنا ينصرهم ان شاء الله على هذا الحكم الظالم و ان شاء الله نصر قريب
مش متخيله ازاى حاكم يصدر اوامر للجيش بقتل شعبه و عمل المذبحة دى !! الحاكم اللى المفروض ربنا اداله بلده امانه عشان يحمى شعبه و
يصونه
حسبى الله و نعم الوكيل
بس خلاص ان شاء الله نهاية حكمه قربت

اماكن التجمع:

القاهرة:
مسجد الرحمة - شارع الهرم - أمام فندق أوربا.
المعادي: هاتف رقم 0106505995

طنطا:
...مسجد الفرقان - ش محمد فريد تقاطع حسن رضوان، هاتف رقم: 0163205254
الإسكندرية:
مطار النزهة عزبة الرحمة بجوار مسجد أبي هريرة، هاتف: 0122398909- 01521193372 - 01515191059- 0144787707

الضبعة:
مسجد الفتح الإسلامي خلف قسم الشرطة، هاتف: 0102042042 - 0115558346- 0174317076

مصر بلدنا ام الدنيا

2011-02-15T15:58:00.000-08:00

اثبتنا بالفعل للعالم كله ان مصر هى ام الدنيا عن جداره و ان شعب مصر هو افضل الشعوب و اننا شعب الحضاره و العالم كله شاف مدى سلميه و تحضر الناس ف الثوره و عملنا اول ثوره بدأت عن طريق الانترنت ف العالم و صحينا قلبنا و عقلنا صحى معانا خلاص فوقتنا ومحدش تانى يقدر يضحك علينا ورفعنا راسنا قدام كل العالم و بقول لوزير الخارجيه احمد ابو الغيط اللى بيطلب دعم دولى لانقاذ اقتصادنا احنا مش عايزين نذل نفسنا و لا نشحت من حد احنا هنطور اقتصادنا بنفسنا اثبتنا فعلا انه اذا الشعب يوما اراد الحياه فلابد ان يستجيب القدر و ان الله لا يغير ما بقوم حتى يغيرو ما بانفسهم عندما اتحد الشعب المصرى كله الغنى و الفقير و المسلم و المسيحى
رجالتنا اثبتو فعلا انهم اكتر من رجاله بعد ما اتقال اننا وصلنا لزمن لم تعد للرجوله فيه مكان
بقول للشهداء انتم الابطال انتو اللى زودتو من عزيمتنا و فوقتونا اكتر و اكتر و دمكو مراحش هدر و عمرنا مهننساكم ابدا وان شاء الله هيجى اليوم اللى نشوف كل اللى كانو سبب ف قتلكو و هما بيتعدمو http://www.youtube.com/watch?v=EeZTqCGv4bc بقول لتونس شكرا ليكم لان انتو اللى شجعتونا و صحيتو شعبنا اثبتنا ان الظلم مهما طال وقته لابد ان يكون له نهايه و ان دعوة المظلوم لا ترد ابدا و اننا كمان لازم ناخد ده عبره لنفسنا ان يبقى عندنا ضمير و منظلمش ابدا اى حد نعمل كل حاجه باخلاص و ان يبقى هدفنا الاساسى اننا نعمل لوجه الله اولا و من اجل رفعة شأن بلدنا ثانيا ان تختار حلفاؤك بعنايه حتى لا ترى اليوم الذى يتخلى عنك فيه الجميع اخر حاجه عايزه اقولها عايزين كلنا نشارك ف الايفنت ده نحاول نجمع اكبر قدر من الصور و الفيديوهات و اى حاجه ليها ليها علاقه بالسياحه ممكن تساهم ف ان سياحة بلدنا ترجع زى الاول و احسن اللى فهمتو من اللى عامل الايفنت انه هيبعت كل الحاجات دى لاكبر عدد من المواقع و شركات السياحة العالميه انا اللى مبسوطه بجد منه ان فيه اجانب كتير كمان مشاركين فيه و حطين فى صور و فيديوهات يعنى مش احنا بس اللى نفسنا ان بلدنا ترجع احسن من الاول http://www.facebook.com/home.php?sk=group_200564019958935&notif_t=group_activity#!/event.php?eid=198442786833817 شكرا للجيش المصرى على دوره الرائع بجد انتو فعلا ناس محترمين شكرا لكن لانكم حافظتو على بلدنا مصر و لم ترضو بالظلم و الفساد و رغم انهم ماسكين البلد بقالهم ايام بسيطه الا انهم قدرو ينجزو أشياء كثيره و يكتسبو ثقتنا و ف النهايه اتمنى ان ارى اليوم الذى يتحرر فيه كل العرب من قيودهم و يتحدو سويا لنذهب معا لنحرر ارض فلسطين

التهاب الملتحمة

2010-10-28T11:26:00.001-07:00

مش عارفه ايه سبب التضخيم الاعلامى ف التلفزيون و ف الصحف اللى حصل على المرض ده لدرجة انه كان بينزل العنوان الرئيسى لبعض الصحف ؟!!!! انا بقيت بحس ان الاعلام ما بيصدق يلاقى اى حاجه تحصل و هاتك يا تضخيم و كلام ف الموضوع للصبح !!!
المرض مرض بسيط جدا و اتفه ما يكون و جالى قبل كده كذا مره مجرد بيتعالج بقطره مضاد حيوى و غسل العين باستمرار و استعمال فوطة شخصيه عشان الشخص ميعديش الناس اللى حواليه و ممكن معاها كمادات مايه دافيه على العين و خلاص بيخف و الموضوع منتهى على كده و نادر جدا لما بتحصل عليه مضاعفات خصوصا حتى ان الحالات اللى كانو جايبنها ف التلفزيون كان الاحمرار اللى ف العين منها بسيط جدا
و كون ان المرض ينتشر بطريقه ملحوظه ف ده لان الفيرس انتشر ف الجو ف كذا حد اتصاب بيه و ف خلال فتره صغيره عدد الحالات هيقل بالتدريج لحد ما يختفى او يوصل للمعدل الطبيعى زى بالظبط البرد لما بيزيد ف الشتاء و يقل ف الصيف

و مش محتاجه يعنى اننا نرعب الناس فكرتنى باللى الاعلام عمله ايام انفلونزا الخنازير
المرض فحد ذاته مش محتاج عليه كلام كتير و لا محتاج كل التضخيم اللى حصل ده
غير بس اننا نوعى الناس متستخدمش نفس فوطة المصاب عشان متتعديش

انا شايفه ان اللى محتاج نتكلم عليه هو السبب الرئيسى ف انتشار المرض الفتره دى( حريق قش الرز) المشكله اللى بقالها اكتر
من 10 سنين و مفيش اى حل بنشوفه ليها خالص كل سنه يقولك كل محافظه بتعمل اجتمعاتها و بتبذل اقصى مجهودها للقضاء عليه و بيتضح طبعا ان مفيش اى حاجه بتحصل لان الحريق يمكن بيزيد كل سنه عن السنه اللى قبلها
و كل السنه الناس تتعب و يتكتم نفسها و يجيلها برد وربو شعبى بالاضافه لالتهاب العين واللى متأكده انه بيحصل كل سنه و ف الوقت ده بسبب التلوث و الدخان يعنى ده مش مرض جدت علينا السنه دى مثلا و لا حاجه و لو كانت زادت ف ده اكبر دليل على ان المشكله بتسوء سنه عن سنه
و طبعا الفلاحين بيضطروا انهم يحرقوا هيودوه فين اذا كان محدش بياخده منهم و بيمنعوهم انهم يحطوه ف البيوت
ايه المشكله ان كل سنه بعد حصاد الرز يعدوا على الفلاحين ياخدو منهم القش و نصنع بيه حاجه مفيده
زى الخشب و الورق و العلف و ممكن كمان يعمل وقود عضوى زى الميثان؟!!!!!
على الاقل حتى لما نصنع العلف عندنا يرخصنا سعر الفراخ و اللحمه اللى بيقولو ان من سبب ارتفاع سعرها هو ز ياده سعر العلف

happy feast :)

2010-09-09T02:04:00.000-07:00

و مرت الايام و عدى رمضان زى الصاروخ كل سنه و انتو طيبين وعيد سعيد عليكوا كلكو يلا بقى كلو يهيص و ينبسط ف العيد و يتفسح على قد ما يقدر عشان الايام الحلوه دايما بتعدى بسرعه

رمضان كريم

2010-08-11T08:06:00.000-07:00

كل سنه و انتو طيبين رمضان كريم علينا كلنا ربنا يعينا على صيامه ان شاء الله الواحد بيجى الشهر اللى قبل رمضان ده بيحس فعلا ان احنا محتاجين رمضان جدا ونفسنا انه ييجى مش عارفه لو مكنش فى شهر رمضان ده كان جرالنا ايه كان هيجى علينا وقت ننسى دينا خالص و لا نصلى و لا نزكى و لا نصوم و لا نفتكر ربنا خالص رمضان بجد نعمه كبيره من ربنا علينا الحمد لله :)

اللَّهُمَّ رَبَّنَا لَكَ الحَمْدُ وَالفَضْلُ وَالمِنَّةُ أنْ بَلَّغْتَنا شَهْرَ رَمَضَانَ

اللَّهُمَّ أَعِنَّا عَلَى صِيَامِهِ وَقِيَامِهِ وَأَدَاءِ سَائِرِ الطّاعَاتِ فِيِهِ إِيمَاناً وَاحْتِسَاباً لِوَجْهِكَ الكَرِيمِ،

وَاجْعَلنَا مِمَّنْ يُدْرِكُ فِيهِ لَيْلَةَ القَدْرِ وَيَفُوُزُ فِيِهَا بِعَظِيِمِ الأَجْرِ.

اللَّهُمَّ مَنْ لَمْ يُدْرِكْ مِنَ المُسْلِمِينَ هَذَا الشَّهْرَ الفَضِيِلَ فَأَنْزِلْ عَلَى قُبُوُرِهِمُ الضِّياءَ وَالنُّورَ،

وَاغْفِرْ لَهُم وَارْحَمْهُم وَأكْرِمْ نُزُلَهُمْ وَأَفِضْ عَلَيْهِم مِنْ رَحَمَاتِكَ يَا رَحمْنَ الدُّنْيَا وَالآخِرَةِ وَرَحِيمَهُمَا.

اللَّهُمَّ إِنّا قَدْ قَدِمْنا إِلَى رَمَضانَ بِذُنُوبٍ كَثِيرَةٍ وَأَوْزَارٍ لاَ يَعْلَمُها إِلاَّ أَنْتَ..

وَإِنَّكَ رَبٌّ غَفُورٌ كَرِيمٌ تُحِبُّ العَفْوَ فَاعْفُ عَنَّا وَاكْتُبْ لَنَا فِي هَذَا الشَّهْرِ الفَضِيلِ تَوْبَةً نَصُوحاً لاَ نَنْكِصُ بَعْدَهَا أَبَداً.

المرجع: "من قديم الباقات من أدعية القنوت – قبل التوثيق

الكشرى يكسب

2010-08-08T14:50:00.000-07:00

من كام يوم قريت خبر ان مصر هتبدأ تصدر الحاجات الحلوة بتاعتنا اللى مش بتتاكل غير ف مصر و بس زى الكشرى و الطعميه بالفول و الفطير المشلتت و العسل الاسود و الجبنه القريش والحلاوه الطحينيه طبعا الخطوه دى تعتبر متأخره جدا كان مفروض نعملها من زمان و نستغل حاجه سهله زى دى ان احنا نعملها و نصدرها على طول لدرجه انهم اكتشفو ان فى دول خدت الفكره و طريقه عمل الحاجات دى و بتصدرها هى من فتره زى الجبنه الدمياطى لقو الدنمارك بتعملها وصدرتها لدول كتير بس مصر خلاص سجلت المأكولات دى دلوقتى ف منظمه الايزو بحيث ان ده يمنع اى دوله تانيه تنسبها لنفسها بس بغض النظر عن انها جت متأخره انا شايفه ان دى حاجه كويسه جدا و بعدين سهله ان احنا نعملها و كمان هتشغل ناس كتير و هتبقى حاجه مميزه لينا فى ناس بتحب الاكلات دى و بتيجى من بره لمصر عشان تاكلها :)

Im back again :)

2010-08-06T07:50:00.000-07:00

اسفه جدا على التاخير اللى حصل ده انا السنه دى مكتبتش ف البلوج حاجه انا مش هجيب اعذار انا عارفه انه اهمال منى يا ريت تسامحونى :(

عايزين نعيش ف الفريزر
عمرنا مشوفنا حر اد الحر اللى شوفنا السنه دى !! الواحد مجرد ميطلع راسه من الشباك ف البيت يحس ان راسه استوت بجد لازم يبقى فيه حل للموضوع ده و يبقى فيه قوانين صارمه ف العالم كله عشان نسبة التلوث اللى بتزيد يوم عن يوم دى تقل شوية و الحر ده يفك علينا او يقل حتى - درجه الحراره ف موسكو اللى ف شمال اوروبا اللى المفروض انها تلج وصلت ل 35 !!! الناس اللى عمرهم مشافو الصيف و متعودين ع الساقعة دلوقتى هيفطسو م الحر و المراوح عندهم خلصت و عايزين يستوردو تكييفات طبعا مكنوش بيجيبوها قبل كده لانهم مكانوش
محتاجينها
ربنا يستر علينا

سواق التاكسى و العلم
من كام يوم كنت راكبه تاكسى كان الجو حر جدا و كنت واقفه ف الشارع مش طايقه نفسى بعد ما ركبت الراجل بيقولى مش عارف الناس مالها ماشيه مكشره كده ف الشارح ضحكت و قولتله ازاى مش عارف مش شايف الحر اللى احنا فيه ليهم حق طبعا يمشو متنحين و مكشرين قالى و الله الحر و الفقر هدو الناس و معدوش طايقين نفسهم و قعد يتكلم ف حاجات كتير ع الزحمه و المرور و ع الناس و الانتماء لمصر مكنتش مركزه معاه لانى تقريبا كنت نمت من كتر التعب المهم لقيتو رجع بالكلام على ايام ماتش مصر و الجزاير لما كنا كلنا حطين اعلام مصر ف البلاكونات و التاكسيات و عل المحلات و كل حته و كان منظر جميل و الكوره كانت مجمعه الناس كلها بيقولى ابص الاقى فلاح راكب على حمار و حاطط علم مصر عليه بيقولى زعلت و قولتله بقى كده علم مصر يتحط على الحمار برضه قالو و ايه المشكله هو يعنى كان حمار من الجزائر ساعتها فضلت اضحك قولتله بس برضه ايه المشكله يعنى يكفى ان الراجل فرحان و نفسه ان بلده تكسب وبعدين حتى بعد ما نزلت قولت احنا فعلا ممكن فينا اللى يضايق و يقول دى اهانه لبلدنا و ممكن حد تانى يضحك على الموقف زى ما انا ضحكت لما سمعته بس انا بقول يعنى الفلاح ده راجل بسيط و غلبان و بالنسبه له الحمار ده حاجه مهمه ف حياته و بيركبه كل يوم و بينقل عليه الخضار و الحاجات بتاعته فهو حس ان الحمار ده حاجه كبيره عشان كده حط العلم عليه ده رايى يعنى وبغض النظر هو حطه على ايه يكفى ان ده موقف يثبت ان المصريين بجميه فئاتهم بيحبو بلدهم مهما شتمو فيها :)

Happy new year

2010-01-01T14:02:00.000-08:00

كل سنه و انتوا طيبين يا رب السنه الجديده تبقى حلوه علينا كلنا و ربنا يوفقنا لكل حاجه نفسنا فيها و يبعد عننا اى وحشه فيها

و يبعد عننا الامراض اللى بتحل اللى علينا دى

ده دعاء عشان نستفتح بيه السنه الجديده ان شاء الله ربنا يستجيب وربنا ييسرلنا امورنا كلنا :)

اللَّهُمَّ انْقُلْنَا مِنْ ذُلِّ المَعْصِيَةِ إِلَى عِزِّ الطَّاعَةِ. اللَّهُمَّ أَعِزَّنَا بِطَاعَتِكَ وَلاَ تُذِلَّنَا بِمَعْصِيَتِكَ. اللَّهُمَّ أَحْيِنَا مُسْلِمِينَ وَتَوَفَّنَا مُسْلِمِينَ غَيْرَ خَزَايا وَلاَ مَفْتُونِينَ.اللَّهُمَّ أَمِتْنَا عَلَى الإِسْلاَمِ وَالإِيمَانِ الكَامِلَ. اللَّهُمَّ اجْعَلْ فِي قُلُوبِنَا نُوراً، وَفِي أَلْسِنَتِنا نُوراً، وَفِي أَسْمَاعِنا نُوراً، وَفِي أَبْصَارِنا نُوراً، وَمِنْ خَلْفِنا نُوراً، وَمِنْ أَمَامِنا نُوراً، وَعَنْ أَيْمَانِنا نُوراً، وَعَنْ شَمَائِلِنا نُوراً، وَاجْعَلْ لَنا مِنْ لَدُنْكَ نُوراً.اللَّهُمَّ إِنَّا نَسْأَلُكَ إِيمَاناً يُبَاشِرُ قُلُوبَنَا، وَيَقِيناً صَادِقاً حَتَّى نَعْلَمَ أَنَّهُ لاَ يُصِيبُنا إِلاَّ مَا كُتِبَ لَنا، وَأَنَّ مَا أَصَابَنا لَمْ يَكُنْ لِيُخْطِئَنا، وَمَا أَخْطَأَنَا لَمْ يَكُنْ لِيُصِيبَنا.اللَّهُمَّ إِنِّي أَسْأَلُكَ مِنَ الْخَيْرِ كُلِّهِ، عَاجِلِهِ وَآجِلِهِ، ما عَلِمْتُ مِنْهُ وَما لَمْ أَعْلَمْ، وَأَعُوذُ بِكَ مِنَ الشَّرِّ كُلِّهِ، عَاجِلِهِ وَآجِلِهِ، ما عَلِمْتُ مِنْهُ وَما لَمْ أَعْلَمْ. وَأَسْأَلُكَ الْجَنَّةَ وَما قَرَّبَ إِلَيْها مِنْ قَوْلٍ أَوْ عَمَلٍ، وَأَعُوذُ بِكَ مِنَ النَّارِ وَما قَرَّبَ إِلَيْها مِنْ قَوْلٍ أَوْ عَمَلٍٍ، وَأَسْأَلُكَ مِنْ خَيْرِ مَا سَأَلَكَ مِنْهُ عَبْدُكَ وَرَسُولُكَ مُحَمَّدٌ صلَّى اللَّه عَلَيْهِ وَسَلَّمَ، وَأَعُوذُ بِكَ مِنْ شَرِّ مَا اسْتَعَاذَكَ مِنْهُ عَبْدُكَ وَرَسُولُكَ مُحَمَّدٌ صلَّى اللَّه عَلَيْهِ وَسَلَّمَ، وَأَسْأَلُكَ مَا قَضَيْتَ لِي مِنْ أَمْرٍ أَنْ تَجْعَلَ عَاقِبَتَهُ رَشَداً. لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ، لَهُ المُلْكُ وَلَهُ الْحَمْدُ، يُحْيِي وَيُمِيتُ، وَهُوَ حَيٌّ لاَ يَمُوتُ، بِيَدِهِ الْخَيْرُ، وَهُوَ عَلَى كُلِّ شَيْءٍ قَدِيرٌ.اللَّهُمَّ بَارِكْ لَنا فِي السَّاعَاتِ وَالأَوْقَاتِ.. وَبَارِكْ لَنا فِي أَعْمَارِنا وَأَعْمَالِنااللَّهُمَّ طَهِّرْ قَلْبِيَ مِنَ النِّفَاقِ، وَعمَلِيَ مِنَ الرِّيَاءِ، وَلِسَانِيَ مِنَ الْكَذِبِوَعَيْنِيَ مِنَ الْخِيَانَةِ، إِنَّكَ تَعْلَمُ خَائِنَةَ الأَعْيُنِ وَمَا تُخْفِي الصُّدُورُ.

اللَّهُمَّ تَقَبَّلْ مِنَّا صَالِحَ الأَعْمَالِ وَاجْعَلهَا خَالِصةً لِوَجْهِكَ الكَرِيمِ..ا مُحَمَّدٍ وَصَلِّ اللَّهُمَّ وَسَلِّمْ وَبَارِكْ عَلَى سَيِّدِنَا مُحَمَّدٍ وَعَلَى آلِهِ وَأَصْحَابِهِ وَالتّابِعِينَ وَمَنْ تَبِعَهُمْ بِإِحْسَانٍ إِلَى يَوْمِ الدِّيِنِ، وَالحَمْدُ لله رَبِّ العَالَمِيِنَ.

أوباما و نوبل

2009-10-14T12:40:00.000-07:00

ف يوم الجمعه اللى فات أعلنت العاصمه النرويجيه فوز الرئيس أوباما بجائزه نوبل للسلام

حصوله على الجائزه كان يعتبر مفاجأه لكل العالم هو نفسه حتى اتفاجىء لما عرف انه حصل على الجائزه و قال انا أخذت الجائزه دى مقابل ايه ؟

ف رأيكوا هل فعلا يستحق انه ياخد الجايزه دى ؟

انا شخصيا شايفه انه ميستحقهاش صحيح هو قدر او حاول الفتره اللى فاتت انه يغير نظره العالم لامريكا و خصوصا المجتمع العربى و انهم مش هيدخلوا ف حروب تانى و يحاولوا يعيشو و يعيشونا احنا كمان ف سلام الا انه ف الاول و الاخر ده لسه مجرد كلام يعنى لسه الفعل مبدأش أو لو كان بدأ هيبقى بجزء صغير

يعنى مفيش انجاز مبهر عمله يستحق انه ياخد بيه الجائزه دى يعنى و خصوصوا ان فتره حكمه لم تتجاوز الشهور لحد دلوقتى

غير كده ان المرشحين للجايزه دى كان فى ناس عاملين مجهودات كبيره فعلا فى تحقيق السلام زى التحالف الدولى لمكافحه القنابل العنقوديه اللى نجح فى اقناع 100 دوله على التوقيع على معاهده بتحظر استخدام هذا النوع من القنابل

و فى منهم رئيس زيمبابوى اللى جازف بحياته اكتر من مره من اجل تحقيق السلام

يعنى انا مش فاهمه جايزه نوبل للسلام دى بيدوها للناس على اساس ايه بالظبط ؟

مش المفروض على الافعال و الانجازات و لا لمجرد ان حد يتكلم على انه عايز السلام يعم ف العالم

Happy feast

2009-09-20T19:58:00.000-07:00

شهر رمضان عدا ف يومين و هل علينا العيد كل سنه و انتوا طيبين و بصحه و سلامه و يا رب يكون عيد سعيد علينا كلنا

ايه اخبار العيد و اخبار الكحك و البسكوت لسه بتعملو ف البيت و لا بتجيبو جاهز ؟ احنا السنه دى عملنا شويه ف البيت و اشترينا شويه

انا مسافره اسكندريه بكره يا ترى عندكو مشروع سفر و لا هتقضو العيد ازاى ؟

بدرى بدرى و الأيام بتجرى

2009-09-10T18:10:00.000-07:00

باقى 9 أيام على رمضان يعنى احنا ف العشر الأواخر دلوقتى و أيام مباركه يارب كلنا نحاول نستغلها على قد ما نقدر و ندعى بكل اللى نتمناه و ان ربنا يدوم علينا الصحه و الستر و العافيه و ياريت تدعو ان ربنا يحمينا و يحمى مصر كلها من الأوبئه اللى داخله علينا دى و ان شاء الله ربنا هيستجيب لدعاءنا

ده دعاء جميل جدا للشيخ محمد جبريل قاله ف ليله القدر اتمنى انكو تسمعوه و تدعوا بيه

http://www.youtube.com/watch?v=I4lbqqhEQYA

و كل عام و انتم بخير و اللهم بلغنا ليله القدر

7 رمضان

2009-08-28T08:11:00.000-07:00

كان المفروض اعمل بوست ف اول شهر رمضان عشان اقولكوا كل سنه و انتوا طيبين و رمضان كريم عليكوا و بعدين أجلت البوست و فوجئت ان النهارده 7 رمضان دايما الشهر ده بيعدى بسرعه الصاروخ من غير ما احنا نحس

:)انا رأيى مش مشكله انه يعدى بسرعه بس اهم حاجه اننا نحاول كلنا نستغله على قد ما نقدر

كنت قاعده من شويه بفتكر رمضان زمان

ايام ما كنت ف ابتدائى كان رمضان ايامها بيجى ف الشتا و كان الجو تلج و كان ايامها طبعا ربنا هادينى و بنام بدرى على الساعه 10 مثلا و كانت ماما تصحينى بليل و انا برتعش من السقعه و متغطيه باللحاف و البطانيه و نايمه على بطانيه تانيه طبعا ده غير الميت حاجه اللى كنت ببقى لباسهم فوق بعض و الواحد يقوم بالعافيه من السرير عشان يتسحر و هو فاتح عين و قافل العين التانيه و كنت اشوف المسحراتى و هو تحت لابس الكوفيه و نازل ف عز المطر و الساقعه و الشارع هااااادى و مفيش حد خالص تقريبا الا هو و العربيات و الناس بسيطه جدا دلوقتى الحال اتغير خالص و معاد السحور ده الواحد بيبقى حاسس انه بيتسحر بدرى و لسه بدرى لما ييجى معاد نومه و طبعا الشوارع هيصه تحت و المسحراتى خلاص معدتش بشوفه

مهو اصل هيصحى مين بس ده الناس كلها ف الشارع

الحمد لله على كل حال :)

امبارح لقيت صور عجبيتنى على النت و حبيت اوريهالكوا

دى صوره جامع ابراهيم اللى عند محطه الرمل ف اسكندريه اكيد عارفينه دى صور من صلاه التراويح السنه اللى فاتت

ما شاء الله بجد لما شفت الصور دى انبسطت اوى و يا رب يكون السنه دى عدد الناس دى اكتر و اكتر :)

الحمد لله على نعمه الاسلام :)

أخر صورتين دول من عند الكورنيش لو لاحظتوا ما شاء الله :)

و دى صور تانيه لقيتها ف موقع الداعيه مصطفى حسنى عن الحاجات اللى مفروض نتجنب نعملها ف شهر رمضان

اتمنى انى اكون مطولتش عليكوا و رمضان كريم :)

ورجعنالكم تانى

2009-08-13T17:26:00.000-07:00

اول حاجه كل سنه و انتوا طيبين الشهر الكريم على الابواب و اللى بنستناه كل سنه و نبقى حاسين كده لما يجى ان ربنا هدينا و نبقى مرتاحين و مبسوطين ربنا يوفقنا و نقدر بإذن الله نعمل حاجه كويسه ف الشهر ده اللى بيجى مره كل سنه
دايما نقول من كتر حبنا لشهر رمضان ياريت السنه كلها رمضان كنت سمعت من حوالى اسبوع تعليق معز مسعود على الموضوع ده كان بيقول ان لو ده حصل حيبقى رمضان بالنسبه لنا حاجه عاديه جدا و مش هنحس انه شهر مميز و فى مننا مثلا فى بعض العادات مش بيحب يعملها ف رمضان كون ان رمضان يبقى طول السنه يبقى اكيد هيجى علينا وقت ونعمل العادات دى و مش هيبقى عندنا تشوق لاستقبال رمضان زى ما احنا نفسنا انه يجى دلوقتى و هنلاقى نفسنا ف الاخر محتاجيت شهر تانى عشان نقرب اكتر من ربنا و ننضف دماغنا
انا عجبنى رأيه جدا و اقتنعت بيه

بالنسبه للتوقيت الشتوى للى ميعرفش هيبدأ اول يوم ف رمضان يعنى لله ما هتظهر الرؤيه نأخر الساعه بليل
انا مش عارفه بصراحه التوقيت الصيفى دلوقتى بقى لازمته ايه ؟
يعنى فتره التوقيت ده كل مادا بتقصر عن السنه اللى قبلها عشان رمضان يعنى التوقيت ده هيجى عليه وقت و هيبقى مش موجود اصلا
او فترته هتبقى صغيره جدا
طب ميلغوه من دلوقتى و خلاص ؟

موضوع تانى

دكتور مجدى يعقوب

موضوع تانى حبيت اتكلم فيه انا عارفه انى بتكلم عنه متأخر بس هو انجاز رائع لازم اذكره وياريت بجد نهتم بالعلماء بتوعنا و نكرمهم و نقدرهم

للى مسمعش عن الانجاز بتاعه
: طفله اسمها هانا كانت معرضه للموت من اول يوم اتولدت فيه بسبب ان قلبها مكنش بيشتغل
كويس بمعنى ان معدل ضخ الدم منه كان غير طبيعى
و عضله القلب عندها كانت ضعيفه الدكتور مجدى استطاع مع فريق العمل بتاعه انه يزرعلها قلب تانى صغير بجانب قلبها الاساسى بحيث ان معدل ضخ الدم عندها يبقى طبيعى و بعد مرور سنوات و البنت كبرت القلب الاصلى بتاعها رجع لحالته الطبيعيه الحمد لله و بعدها شالوا القلب المزروع ده
يعتبر انجاز رائع و انقاذ لحياه طفله كانت اكيد هتموت
شكرا ليك يا دكتور مجدى دايما مشرفنا

اخر حاجه بقى ف البوست كنت عايزه اسئل عن حاجه
هى مدونه كلام من القلب بتاعه الدكتور عمرو فاروق راحت فين ؟
دى كانت من اكتر المدونات اللى كنت بحب افتحها دايما و اقرا مواضيعها بس انا لما جيت اشوفها لقيتها مش موجوده انا مش عارفه ده من زمان و لا لأ و ايه السبب ؟
انا استغربت بجد لانها كانت من اكتر المونات الناجحه ف عالم التدوين

اتمنى اكون مطولتش
عليكم و رغيت كتير

عوده بعد غياب طويل :(

2009-07-30T16:37:00.001-07:00

مش متخيله ان اخر موضوع ليا كان ف شهر 3 !! بجد انا مش عارفه او مش لاقيه سبب واضح لغيابى عن البلوج الفتره دى كلها :( انا صح ف الفتره دى كان الترم الترم التانى لسه بادىء عندنا ف الكليه لان الامتحانات بتاعت نص السنه بتبقى ف شهر 2 و وقت الترم التانى كان صغير جدا و لقينا كل حاجه كبست فوق راسنا و الوقت عده صاروخ من غير منحس و الواحد كان نازل طالع بين الكليه و البيت و الكورسات و يمكن مكنش فى وقت حته الواحد يقعد مع نفسه بس ده ميمنعش برضه انى مكتش ف البلوج حاجه الفتره دى كلها و اخر بوست ليا قولت انا مش هسيب البلوج فتره طويله كده بس للاسف مكنتش عند وعدى

و مش عارفه فعلا السبب او المشكله كانت ف ايه و دى اكتر حاجه مزعلانى :(

وحشتنى مدوناتكوا جدا اللى فى منها كنت لازم ادخلوا اكتر من مره ف اليوم و اشوف ايه الجديد و اقرا المواضيع اللى فيها على طول

يمكن الناس اللى صاحبتهم من المدونات التانيه نسيونى بس انا عارفه انها غلطتى انا و بعتذر عن غيابى عن المدونه الفتره دى كلها و يا رب يكون اعتذارى ده مقبول

المهم الحمد لله الامتحانات عدت على خير و النتيجه طلعت و جبت امتياز انا بجد مبسوطه جدا و بشكلر ربنا على التقدير ده و ربنا يعدى بقى ال4 سنين الجايين على خير

و سافرت بعد الامتحانات اسكندريه انا بحب البلد دى اوى بالنسبه لى هيا احلى بلد ف مصلر و اكتر مكان لما بروحه بنبسط فيه عشان فيها ناس كتير بحبهم اوى و فيها اماكن كتير جميله اوى و الحمد لله قضيت فيها وقت جميل

بس انا لاحظت حاجتين ف اسكندريه

البلد جوها بقى حر و رطوبه بطريقه غريبه جدا يعنى من حوالى 4 او 5 سنين الجو مكنتش خنقه فيها اوى كده 1-

او على الاقل كان بيجى على العصر و الحر يفك لكن دلوقتى الحر طول الوقت و الرطوبه عاليه جدا

يعنى الواحد حتى لما بيمشى على البحر الهوا مش جامد زى زمان

2- تانى حاجه لاحظتها ان اسكندريه بقت زحمه اوى بطريقه مش طبيعيه يعنى مثلا شارع ابو قير بالذات على طول زحمه و العربيات واقفه فى شبه مش بتححر ك من مكانها و الزحام رهيب يعنى انا فاكره من 5 سنين فاتوا مكنش الشارع ده زحمه كده

غير كمان ان العربيات عددها بيزيد اكيد ف الناس بيضطروا ف الشوارع الضيقه يركنوا عربياتهم على الصفين و ده بيخلى سير العربيات صعب جدا ف الشارع و ياسلام كمان لو انت داخل شارع ضيق و العربيات راكنه من ف الجنبين و لاقيت عربيه مقابلاك ف وشك و من وراك جيش عربيات

انا بقترح لحل المشكله دى انهم يعملوا جراجات متعدده الطوابق لانها هتستوعب عربيات اكتر و الزحمه اللى ف ركن العربيات دى هتقل و المرور ف الشوارع هيبقى اسهل

و ياريت اى عماره جديده تتبنى يبقى فيها جراج خاص بيها

عشان نقضى عل المشكله دى خالص و اتمنى ان ده يكون حل كويس

فى حاجات تانيه كنت عايزه اتكلم فيها بس نا بصراحه كابس عليا النوم دلوقتى :D
و لازم ابص على مدوناتكوا فهلف فيها شويه و قريب ان شاء الله هكتب ف باقى المواضيع قريب
:)

و اتمنى مكنش طولت عليكو

وحشتووووووووووونى

2009-03-17T15:59:00.000-07:00

وحشتووونى اوى :D

أخيرا رجعت البلوج تانى انا بجد مش مصدقه انى بكتب فيه دلوقتى و انى اعدت فتره طويله كده من غير ما اكتب ف البلوج حاجه و ازور المدونات التانيه بجدت وحشتنى بلوجات كتير اوى من زمان مدخلتش عليها بس ده كان سبب ظروف حصلت الفتره اللة فاتت و كمان طبعا ف كليتى الحبيبه كليه الطب كانوا عاملين امتحان نص السنه بعد اجازه نص السنه و انشغلت بالمذاكره اللى فاتت و سفر و حاجات كتير حصلت

المهم انا مبسوطه انى رجعت تانى و خلاص مش هسيبك تانى يا بلوجى و متزعلش منى

حصلت حاجات كتير اوى لفتره

اللى فاتت ان كان ف مصر او ف غزه او ف امريكا و يمكن فيا و فيكوا انتو :D

انا مش حبه انى اتكلم ف حاجه دلوقتى بس اتمنى ان الايام اللى جايه تكون احسن من اللى فاتت و ان ظروفنا تتحسن و ربنا يوفقنا لكل خير

اتمنى تكونوا انتوا كمان بخير و كويسين

و هرجع الف تانى ف مدوناتكوا لجد ما تزهقوا منى اطمنوا

:p :D

فى مناسبه جميله قربت حبه انى اتكلم عنها و هى عيد الام

انا عارفه ان فى بعض الناس مش بتحب انها تحتفل بيه و البعض حرم الاحتفال بيه

بس انا شخصيا بحب احتفل بيه مش معنى كده انى هعامل مامتى كويس يوم واحد ف السنه او انى لو كنت بعيده عنها مش هزورها غير ف اليوم ده زى ما فى بعض الناس بتعمل

بس انا بشوفه فرصه كويسه لينا اننا نحتفل بمامتنا و تحس ان احنا مقدرين مجهودها معانا و انها بالنسبه لنا حاجه كبيره اوى و فرصه لو كان فى حد ينا على خلاف مع مامته انه يتصالح معاها و اكيد مامته مش هتصده

و نجيبلها هديه جميله م شرط تكون هديه كبيره و غاليه ممكن نجيب ورد او كارت

و لو انت معاك فلوس كتير اكيد مش هتستخصر يعنى و لا ايه ؟ :D

انا عن نفسى بحب أسال ماما عن الحاجه اللى هى عايزاها و أجمع فلوس و اجيبهالها عشان ابقى جبتلها الحاجه اللى نفسها فيها و محتجالها

انتوا بقى ناويين يجيبوا ايه لمامتكوا ف عيد الام ؟

غزه و الحصار

2008-12-28T14:15:00.000-08:00

اللهم يا قادر يا قاهر يا قوي يا عزيز ، اللهم صلي وسلم وبارك على نبيك محمد .
اللهم عبادك المستضعفين في غزة تجبر عليهم اليهود الملاعين والمنافقين الحاقدين اللهم فانصرهم على أعدائهم وفرج كربتهم وارحمهم ، اللهم من يجيرهم سواك ومن يرأف بهم إلاك اللهم بك نثق وبقوتك نؤمن اللهم شرد اليهود والمنافقين واشدد وطأتك عليهم اللهم شتت شملهم واجعل تدبيرهم تدميرهم يا الله يا الله يا ذا القوة والملكوت ليس لنا رب سواك يا ملجأ المستضعفين دمر الصهاينة وآلاتهم ولا تذر منهم أحدا ومن عاونهم يا قدير يا جبار سبحانك تقبل منا دعائنا واحم أعراضنا وثبت أقدامنا وانصرنا على القوم الكافرين وردنا لدينك ردا جميلا يا أكرم الأكرمين .
اللهم خالف بين كلمتهم وألق في قلوبهم الرعب وألق عليهم عذابك ورجزك إله الحق اللهم اهزمهم وزلزلهم يا عزيز يا متين يا الله يا الله يا الله أنج المسلمين في كل مكان .

اللهم عليك باليهود ومن عاونهم
اللهم عليك باليهود ومن عاونهم
اللهم عليك باليهود ومن عاونهم

مكافأه نهايه الخدمه

2008-12-26T08:50:00.000-08:00

مكافأه بوش ف مؤتمر وداعه للعراق

الفيديو لو كان لسه محدش شافو
http://www.youtube.com/watch?v=hZmN5Y4RPes
و دى لعبه اتعملت على موضوع الجذمه
لعبه مسليه جدا على فكره
http://www.kroma.no/2008/bushgame/
اتمنى تعجبكوا :D

نقلا عن جريده المصرى اليوم

قال صاحب مصنع فى إسطنبول، أنتج الحذاء الذى رشق به الصحفى العراقى منتظر الزيدى، الرئيس الأمريكى جورج بوش، إنه اضطر لتوظيف ١٠٠ شخص، للتمكن من تلبية الطلبات، التى تدفقت على الحذاء من مختلف أنحاء العالم.
قال سيركان تورك، مدير المبيعات فى مصنع «بادين» للأحذية، إنه تلقى طلبات لما مجموعه ٣٧٠ ألف زوج من نفس نوعية حذاء الزيدى، موضحًا أن مصنعه يبيع عادة ١٥ ألف زوج منه سنويًا.
وقال إن الطلبات جاءت أولاً من العراق، ثم من باقى بلدان الشرق الأوسط، قبل أن تعم العالم. وأضاف أن مؤسسة أمريكية تعاقدت على طلبية من ١٩ ألف زوج من الحذاء، الذى أصبح اسمه «حذاء بوش».
وأكد مدير المبيعات أن المؤسسة التى توظف عادة نحو ٨٠ شخصًا، لم تستغل شهرة «حذاء بوش» لرفع سعره، معربًا عن سعادته «من كل الجوانب» لرشق بوش بهذا الحذاء.

محدش يعرف اخبار عن الصحفى ده دلوقتى ؟

العيد قرب

2008-12-04T20:58:00.000-08:00

العيد قرب كل سنه و انتوا طيبين و يا رب يبقى عيد سعيد علينا كلنا
انا هسافر اسكندريه ان شاء الله
انتوا بقى
هتقضوا العيد فين ؟ فى مشروع سفر و لا هتقعدوا ف البيت ؟

the ideal mother

2008-11-28T08:42:00.000-08:00

القصه كنت قريتها من كام يوم يمكن بعضكوا قراها قبل كده بس انا حبيت انشرها للى مقرهاش
لانها بجد قصه مؤثره جدا معرفش هى حقيقيه ولا لأ بس اتمنى انكوا تقروها

Mother sacrifice

My mom only had one eye.
I hated her... she was such an embarrassment.

She worked as a teacher
to support the family.

There was this one day during elementary school where my mom came to say hello to me.

I was so embarrassed.
How could she do this to me?!

I ignored her, threw her a hateful look and ran out.

The next day at school one of my classmates said,
"EEEE, your mom only has one eye!"

So I confronted her that day and said, " If you're only gonna make me a laughing stock, why don't you just die ?!!!"

My mom did not respond!!!

I didn't even stop to think for a second about what I had said, because I was full of anger.

I was oblivious to her feelings…

I wanted out of that house..

So I studied real hard, got a chance to go to Singapore
to study.

Then, I got married.
I bought a house of my own.
I had kids of my own. I was happy with my life

Then one day, my mother came to visit me. She hadn't seen me in years and she didn't even meet her grandchildren!.

When she stood by the door, my children laughed at her.

I screamed at her, "How dare you come to my house
and scare my children!"
GET OUT OF HERE! NOW!!!"

And to this, my mother quietly answered, "Oh, I'm so sorry.
I may have gotten the wrong address," and she disappeared out of sight.

One day, a letter regarding a school reunion came to my house.

So I lied to my wife that I was going on a business trip…

After the reunion, I went to the old shack just out of curiosity!!!.

My neighbors said that she died.

I did not shed a single tear!!.

They handed me a letter that she had wanted me to have…

"My dearest son, I think of you all the time..

I'm sorry that I came to Singapore and scared your children.

I was so glad when I heard you were coming for the reunion.

But I may not be able to even get out of bed to see you.

I'm sorry that I was a constant embarrassment to you when you were growing up.

You see........when you were very little, you got into an accident, and lost your eye.

As a mother, I couldn't stand watching you having to grow up with one eye.

So… I gave you mine …..

I was so proud of my son who was seeing a whole new world for me, in my place, with that eye.

…With my love to you…

…Your mother…

اوباما و العرب

2008-11-08T10:47:00.000-08:00

حقق باراك اوباما فوزا كاسحا في الانتخابات الرئاسية الأمريكية على خصمه جون ماكين ليصبح الرئيس الرابع والأربعين للولايات
المتحدة الأمريكية و بهذا يصبح اول رئيس للولايات المتحده يصل الى الحكم من اصول افريقيه
يحق لأمريكا والعالم أن يحتفلا بوصول رجل أسود إلى البيت الأبيض للمرة الأولى في التاريخ. .. ولكن يحق للعرب ايضا ان يقلقوا حول موقف اوباما منهم بعد ذلك

فالرجل لم يبد طيلة حملته الانتخابية أي تعاطف مع قضاياهم، خاصة في فلسطين،

انتوا ايه رأيكم ؟ هل ممكن سياسه و موقف امريكا تجاه العرب يتغير بعد ما اوباما يمسك الحكم ؟

عالم الذهب

2008-10-24T05:25:00.000-07:00

وحشتونى كلكوا و البلوج وحشنى جدا انا من زمان مكتبتش حاجه فيه و من زمان ملفتش ف المدونات التانيه عشان كنت مشغوله اوى الفتره اللى فاتت :( او ساعات كان يجي ف بالى موضوع اكتبه و بعدين انشغل و مفتكرش انا كنت عايزه اكتب ايه :D

المهم

من كام يوم كنت بشوف برنامج العاشره و كان فى تقرير عن عالم اسمه الدكتور مصطفى السيد انا بصراحه مكنتش سمعت عنه قبل كده

العالم ده استطاع ان يعالج السرطان بالدهب الدهب ده اللى احنا على طول عارفين انه بيصنع منه المجوهرات او اننا دايما بنستخدمه كزينه لكن محدش قبل كده فكر ف انه يستخدمه استخدام طبى الدكتور مصطفى رغم انه عالم يبلغ من العمر 80 عام تقريبا الا انه حاول يستفيد هو و فريق العمل بتاعه من نظريه ان الذهب و الفضه ليهم خصائص ضوئيه فيما يتعلق بامتصاص سطحهم للضوء و تشتيته يعنى ان الدهب لو سلط عليه شعاع ضوئى منخفض الطاقه سوف يتم تشتيته الدكتور مصطفى استفاد من النظريه دى و استطاع ان يرصد الخلايا السرطانيه و ان يلصق الدهب بيها بطريقه ما ثم باطلاق شعاع ليزر ضوئى منخفض الطاقه على هذه الخلايا فسوف يتم تشتيتها بينما لا تمس الخلايا السليمة في الجسم
يعنى الخلايا السليمه مش هتتلف لان هى اصلا الدهب ملتصقش بيها فبالتالى مش
شعاع الليزر لما هيسلط عليها مش هتمتصه و الخلايا مش هتتلف

يعنى زى الصوره دى مثلا الخلايا المضيئه باللون الاصفر دى هى الخلايا السرطانيه اللى التصق بيها الدهب
والخلايا السوداء عى الخلايا السليمه اللى الدهب ملتصقش بيها
فبالتالى لما شعاع الضوء هيسلط عليها الدهب اللى ف الخلايه السرطانيه هيمتصه و يتفتت و معه الخليه السرطانيه باكملها

و بكده يبقى تم اتلاف الخلايا السرطانيه و القضاء على المرض مع بقاء الخلايا السليمه كما هى
اكتشاف عبقرى جدا
هذا الفتح العلمى دفع الرئيس بوش ان يمنحه قلادة العلوم الوطنية الأمريكية التي تعد من أرفع الأوسمة الأمريكية في العلوم، عرفانا لإنجازاته في مجال التكنولوجيا الدقيقة المعروفة باسم (النانو) وتطبيقه لهذه التكنولوجيا في علاج السرطان. نتمنى ان يلقى العالم تكريما و احتفالا به فى مصر كما لقى هذا التكريم ف الخارج و نأمل ان يحصل على جائزه نوبل حيث ان الدكتور مصطفى يتوقع ان شاء الله تطبيق اختراعه في علاج السرطان بقذائف الذهب النانوية خلال سبع سنوات من الآن.

infos from islam online.net

كل سنه و انتوا طيبين

2008-09-28T16:09:00.000-07:00

العيد قرب كل سنه و انتوا طيبين :) قولولى بقى هتعملوا ايه ف العيد و هتقضوه فين ؟
1- هتسافروا
2- أو هتخرجوا مع اهاليكوا و تزروا قريبكوا
3- ولا هتخرجوا مع صحابكوا
4-مش هتعملوا حاجه و هتقعدوا ف البيت
:D
متنسوش تبقوا تقولوى رأيكوا و نقدكوا ف الرسمه العجيبه اللى انا رسمتها :D

حكايه مدفع الافطار

2008-09-15T14:38:00.000-07:00

معلومه ف السريع :D

تكاد تجمع المصادر على أن مدينة القاهرة بمصر كانت أول مدينة إسلامية أطلقت المدفع عند الغروب إيذانا بالإفطار في شهر رمضان، وذلك عندما تم إطلاق مدفع الإفطار لأول مرة -عن طريق الصدفة- عند غروب أول يوم من شهر رمضان عام 859 هـ. وقد حدث ذلك عندما أهدي إلى السلطان المملوكي "خوشقدم" مدفع فأراد تجربته للتأكد من صلاحيته فصادف إطلاقه وقت المغرب بالضبط من أول يوم في رمضان ففرح الناس اعتقادا أن هذا إشعار لهم بالإفطار وأن السلطان أطلق المدفع لتنبيههم إلى أن موعد الإفطار قد حان في هذه اللحظة. وذهبوا إلى القاضي في اليوم التالي لينقل شكرهم للسلطان وعندما علم السلطان بسعادتهم بذلك أمر بالاستمرار في ذلك وزاد على مدفع الإفطار مدفع السحور ومدفع الإمساك.

حادث الدويقه

2008-09-06T15:25:00.001-07:00

- ارتفاع عدد ضحايا حادث انهيار جزء من الجبل على مجموعة من المنازل بمنطقة الدويقة إلى 31 قتيلا.
وتشير بعض التقديرات إلى أن أعداد الاشخاص تحت الصخور قد تصل إلى 500 شخص.

رمضان كريم

2008-09-05T14:06:00.000-07:00

كل سنه وانتو طيبين و رمضان كريم عليكو كلكوا عاملين ايه ف رمضان السنه دى ؟ هل حاسين انه مختلف عن السنين اللى فاتت و لا مفيش جديد ؟ جبتوا فانوس و لا لأ؟
:D و ايه اكتر حاجه بتحبو تعملوها ف رمضان؟
دول رسمتين كده رسمتهم السنه دى
:D و المسحراتى و دول كمان كنت رسماهم وحطاهم ف البلوج السنه اللى فاتت :D :)

متنسوش تقولولى ايه رايكم ونقدكم ف الصور :D

اسف على الازعاج

2008-09-01T17:55:00.000-07:00

فيلم جديد و شخًصيه مختلفه و دور جديد للفنان احمد حلمى مش عايزه احرق قصه الفيلم بس انا رايى انه فيلم اكتر من رائع وان احمد حلمى برع ف تمثيل دور شخص مريض بالانفصام (schizophrenic personality) مش عايزه احرق قصه الفيلم للناس الى ما راحهوش حد شاف الفيلم؟ وايه رايوا فيه ؟ طب اللى شاف الفيلم رايه هل القصه دى ممكن تبقى واقعيه و لا بعيده عن الواقع؟ انا رايى انها شخصيه بعيده عن الواقع شويه مهما كان الانسان مريض و متخيل فعلا ان دول اشخاص حواليه ميوصلش الموضوع لانه يروح معاهم اماكن و يقضى معاهم ايام وهم اشخاص وهميين اصلا!!
song el meraya sherine from asef 3 el ez3ag
http://rapidshare.com/files/141940740/elmraya.m3u.html

دعوه امل

2008-08-24T13:33:00.000-07:00

من كام يوم كده كنت برتب الكراكيب اللى ف الاوضه لقيت قصه كنت كتبها وانا صغيره ايام غزو العراق تقريبا اياميها كنت ف اولى اعدادى
لما قرتها استغربت انى كنت كتباها و انا صغيره

اسيبكم مع القصه

دعوه امل

ف يوم من الايام وجدت طائرا ابيض مبتور الجناحين و تنهمر الدموع من عينيه الجميلتين و يسيل اللون الاحمر على ريشه الابيض الناصع
ذهبت له و سألته: ماذا اصابك؟
قا ل لى : كما ترين
قلت له من فعل بك هذا
قال لى البشر
تعجبت و سأللته و كيف يجرؤ البشر على فعل هذا بطائر مثلك فأنا منهم و لا أفكر ان افعل هذا
قال لى ان كانوا يسفكون دماء بعضهم و يقتلون بعضهم
فلن يقدرون على طائر مثلى
قلت: و لكنك لم تقول لى حتى الان من انت
فوجدت الدموع تزداد غزاره من عينيه وقالت لى انا حمامه السلام

فقلت لها و اين انتى يا حمامه السلام بغصن الزيتون ترفرفين فى اجواء الارض بريش الابيض الناصع اين هذا الريش؟!
واين عيونك الجميله
قالت : كل هذا انهار بسبب كل ما فعله البشر من يوم ان قتل قابيل ابن ادم اخيه هابيل و لكنهم اكثروا من الفساد الذى يدمر الارض فلم يعد هناك السلام و لم يعد هناك تضامن بين اخواننا العرب ضد اسرئيل
ألاترين ما يحدث الان فى فلسطين و العراق و الله اعلم ماذا سيكون غدا؟!
قلت لها : نعم أرى كل شىء و لكن صامته لا أجد شيئا افعله
فقالت: اعرفتى لما حدث لى كل هذا
قلت نعم علمت
قالت:هذه دموع الامهات اللائى راحت اطفالهن فى الحروب و هذهالمبتوره هى جناح الشهداء الذين يستشهدون و هذه الدماء دمائهم وكل هذه الاشياء كنت عندما امر بها على هذه الأماكن كنت الطخ
بها حتى جاء اليوم الذى وقع فيه منى غصن الزيتون و بتر جناحى عندما وجدت الاعداء يذبحون الابرياء فكيف تريدين منى ان اعود كما كنت و العالم بكل هذه الوحشه فلم يعد هناك السلام و لم يعد هناك رغبه فى السلام

و فى النهايه وجدتها تودعنى و تقول لى اتمنى ان اراكى قريبا و انا سليمه الجناحين عائده و دموع الفرحه فى عينى و جناحى بيضاء ناصعه و أرى السلام قد ساد فى العالم وارى الفرحه فى عيون الامهات و أرى غصن الزيتون على جناحى كما كان و اتمنى ان اراكى سعيده و هذه دعوه امل من حمامه السلام اتمنى أن نحاول ان نلبيها لها و أن نعمل بقدر الامكان على تحقيقها فان الامل بداخلها و لكنها مضت حزينه على ما اصابها و ما اصاب البشر

إنذار محافظ كفرالشيخ‏..‏ ومخالفة خطيرة أغفلها قانون المرور‏!‏

2008-08-07T07:14:00.000-07:00

نقلا عن الاهرم علاء عبد الله
كشف تشديد قبضة رجال المرور عن أمور جري إغفالها‏,‏ فضلا عن حوادث محرجة لبعض المسئولين‏,‏ فقد تعرض محافظ كفر الشيخ المهندس أحمد زكي عابدين لموقف محرج علي بعد عدة أمتار من ديوان عام المحافظة‏,‏ فقد استوقف عقيد شرطة سيارة تابعة للمحافظة بميدان النافورة بشارع الجيش بمدينة كفر الشيخ‏,‏

وفوجئ الضابط بأن السائق كان يرتدي حزام الأمان‏,‏ في حين لم يكن الجالس إلي جواره يرتدي الحزام‏,‏ ولم يتعرف عقيد الشرطة علي المحافظ في بداية الأمر‏,‏ إلا أنه حذره من عدم استخدام حزام الأمان‏,‏ وأنه في المرة المقبلة سيوقع عليه العقوبة الواردة بقانون المرور الجديد‏,‏ ولم يستطع المحافظ إبلاغ الضابط بشخصيته الحقيقية وسط ذهول المرافقين له‏!‏

ومن بورسعيد‏,‏ يكشف مراسل الأهرام خضر خضير عن مخالفة أغفلها القانون الجديد‏,‏ وهي الحمولات الخطيرة التي يمكن أن تسبب كوارث علي أي من وسائل النقل‏,‏ ومنها عربة كارو يجرها حصان تحمل حاوية لنقل البضائع سعة‏40‏ قدما‏,‏ والغريب أن رجال المرور لم يحركوا ساكنا لأن القانون أغفل مثل هذه الحمولات من أي عقوبة‏

بالاضافه للخبر , ايه رايكم ف قانون المرور الجديد و ايه مميزاته و ايه عيوبه؟

انا نجحت لولولوى

2008-07-23T07:04:00.002-07:00

النتيجه طلعت اخيرا و نجحت و جبت جيد جدا الحمد لله كده اول سنه خلصت بس لسه باقى 6 سنين

لولولولولولوى

:Dربنا يعدى الكام سنه الجايين بقى بسرعه و على خير ان شاء الله

انا جبت التورته معايا اتفضلوا كلوا منها بس اللى يدخل ياكل ما ينساش يسيببلى حلاوه النجاح هههههه

انتوا عملتوا ايه ؟ نتيجتوا طلعت و لا لسه ؟ يا رب يكون خير :)

سلام

انتصار لبنان و تحرير الاسرى

2008-07-23T07:00:00.000-07:00

زلزال

2008-07-15T03:14:00.000-07:00

زلزال قوته 6.3 ريختر شعر به سكان القاهره و بعض المحافظات صباح يوم الثلاثاء الساعه 6.26 مركزه بحر ايجا بتركيا و اليونان

حد فيكوا حس بالزلزال ؟ فى ناس قالونهم صحيوا من قوه الزلزال

اخيرا خلصت

2008-07-12T12:38:00.000-07:00

الحمد لله خلصت الامتحانات و خدت الاجازه بجد مش مصدقه ان خلصت بقالى يجى 3 شهور بمتحن متواصل يلا المهم انى خدت الاجازه و ربنا يستر بقى على النتيجه يا رب تكون نتيجه كويسه انتو اخباركوا ايه اعذرونى انى بقالى فتره مكتبتش بس كنت مشغوله

كلكوا خلصتوا امتحانات وخدتوا الاجازه و لا لسه ؟ و هتقضوا الاجازه فين ؟

الثانويه العامه

2008-06-27T06:02:00.000-07:00

1-اكيد كلنا سمعنا عن اللى حصل و عن تسريب الامتحانات االى انتشر السنه دى بصوره ملحوظه و مش فى المنيا بس لأ ده فى معظم المحافظات تفتكروا مين اللى مسئول عن تسرب الامتحانات ؟؟ هل فقط الاشخاص اللى سربوا الامتحانات ولا هو خطأ منظومه باكملها ؟

2- ايه تفسيركوا لصعوبه الامتحانات هذا العام و خصوصا شعبه الرياضيات ؟

3- ايه تفسيركوا كمان لاعلان الجامعات الخاصه ان الطب هتاخد من 90 % و الهندسه 70 % و الحاسبات 65 %

http://www.ahram.org.eg/Index.asp?CurFN=fron11.htm&DID=9626

عايزه اعرف رايكوا ؟

star academy 5

2008-06-04T01:05:00.000-07:00

whats ur opinion about star academy programme?

ايه رايكوا ف البرنامج؟

Personality Test

2008-05-08T07:50:00.000-07:00

http://memoriter.net/flash/test.html

just try

tell ur opinion

امتحانات

2008-04-27T04:05:00.000-07:00

ازيكوا كلكوا يا رب تكونوا بخير انا عارفه انى بقالى فتره مكتبتش ف البلوج بس اعذرونى كان عندى امتحانات الاسبوع اللى فات واللى اسبوع الجاى عندى امتحانات العملى ولسه هخلص على شهر 7 ححاول اكتب كل ما يكون عندى وقت فاضى ادعولى

ان ربنا يوفقنى

اوقف المخدرات 00غير حياتك

2008-03-29T11:08:00.000-07:00

اوقف المخدرات غير حياتك

حمله انقاذ ال 5 الاف مدمن

هل تعلم ان هناك 10 مليون مدمن ف العالم العربى منهم 4 مليون ف مصر

http://www.amrkhaled.net/

عيد الام

2008-03-20T08:01:00.000-07:00

كل سنه وانتوا طيبين وكل امهاتكوا بخير وسلام يا رب

يا ترى جبتوا ايه لامهاتكوا هديه ف عيد الام انا شخصيا جبتلها حله :D

اصل انا لما بجبلها هديه بروح اسالها هى عايزه اه عشان ابقى جبتلها حاجه مفيده

انتوا بقى جبتوا ايه هديه لامهاتكوا ف عيد الام؟

:) كل سنه وانتى طيبه يا ماما

وده ورد هديه منى ليكى

دعاء للأم

{ وقضى ربك ألا تعبدوا إلا إياه و بالوالدين إحسانا }اللهم يا ذا الجلال و الإكرام يا حي يا قيوم ندعوك باسمك الأعظم الذي إذا دعيت به أجبت! أن تبسط على والدتي من بركاتك ورحمتك ورزقكاللهم ألبسها العافية حتى تهنأ بالمعيشة ، واختم لها بالمغفرة حتى لا تضرها الذنوب ، اللهم اكفها كل هول دون الجنة حتى تُبَلِّغْها إياها .. برحمتك يا ارحم الراحمين اللهم لا تجعل لها ذنبا إلا غفرته ، ولا هما إلا فرجته ، ولا حاجة من حوائج الدنيا هي لك رضا ولها فيها صلاحإلا قضيتها, اللهم ولا تجعل لها حاجة عند أحد غيرك اللهم و أقر أعينها بما تتمناه لنا في الدنيا اللهم إجعل أوقاتها بذكرك معمورة اللهم أسعدها بتقواك اللهم اجعلها في ضمانك وأمانك وإحسانك اللهم ارزقها عيشا قارا ، ورزقا دارا ، وعملا بارا اللهم ارزقها الجنة وما يقربها إليها من قول اوعمل ، وباعد بينها وبين النار وبين ما يقربها إليها من قول أو عمل اللهم اجعلها من الذاكرين لك ، الشاكرين لك ، الطائعين لك ، المنيبين لك اللهم واجعل أوسع رزقها عند كبرسنها اللهم واغفر لها جميع ما مضى من ذنوبها ، واعصمها فيما بقي من عمرها، و ارزقها عملا زاكيا ترضى به عنها اللهم تقبل توبتها ، وأجب دعوتها اللهم إنا نعوذ بك أن تردها إلى أرذل العمر اللهم واختم بالحسنات أعمالها..... اللهم آمين اللهم وأعنا على برها حتى ترضى عنا فترضى ، اللهم اعنا على الإحسان إليها في كبرها اللهم ورضها علينا ، اللهم ولا تتوفاها إلا وهي راضية عنا تمام الرضى ، اللهم و اعنا على خدمتها كما ينبغي لها علينا، اللهم اجعلنا بارين طائعين لها اللهم ارزقنا رضاها ونعوذ بك من عقوقها اللهم ارزقنا رضاها ونعوذ بك من عقوقها اللهم ارزقنا رضاها ونعوذ بك من عقوقها اللهم آمين اللهم آمين اللهم آمين وصلى الله على نبينا محمد وعلى آله و صحبه ومن تبعهم بإحسان إلى يوم الدين

ذكرى المولد النبوى الشريف

2008-03-20T07:50:00.000-07:00

النهارده بنحتفل بذكرى نبينا الكريم محمد صلى الله عليه وسلم كل سنه وانتوا طيبين

يارب دايما نتكاتف و نتعاون ضد كل من يحاول الاساءه الى نبينا الكريم

هم يبكى وهم يضحك

2008-03-08T05:15:00.000-08:00

حنفى ذهب ليضيف اولاده لبطاقته التموينيه فقالت له الموظفه وهى تتثاءب ياعم حنفى ده انت ميت من 11سنه
ده كان عنوان خبر ف جريده المصرى اليوم لعادل ضره ومحمد فايد

21-1-2008بتاريخ
الموظفه قالت لعم حنفى انك ميت من 11 سنه فمينفعش تضيف اولادك لبطاقه التامين طبعا عم حنفى اتصدم الراجل عنده 4 بنات!00000 وفوجىء انه متوفى من 1997 وان بطاقته تغير اسمها لانها انتقلت الى زوجته المطلقه
رغم انه تزوج بعدها سيده اخرى !! وحاول عم حنفى ان يثبت بشتى الطرق انه عايش لكن محدش صدقه وفشل ان يثبت انه على قيد الحياه
ذهب لمدير مكتب التموين وارسل البرقيات والشكاوى للرقابه الاداريه ووكيل وزاره التموين ولكن مفيش فايده
مواطن حى وميت
حاجه غريبه مش كده؟

الضمير العربى

2008-02-29T13:58:00.000-08:00

الى أين؟

من زمان علمنى بيي زمان قالى يا ابنى اسمع حكمه هالزمانحكمه ورثتها من ايام جدى ..وعلمتها لابنى ولبنتىحب الوطن ايمان حب الايمان اوطان ومن يوميها حبيت انا لبنان ...لبنان يا قلبى حتى انا زيك انا يا وديع لبنان شايل وصايا فى زمتى من امى وابويا وجدتىقالو يا عزبي اوعي تنام حب الوطن الزام واكتب فلسطين والعرب على جبينك العنوانارض العرب للعرب كل العرب اخوان .. وصحى الضماير تنتبه قبل الزمن ما يشبه ويضيع الانسان انا عــــــــايزة العــــــالم كله يمد كفوفه ســـــــلاموالســــلم العربى يكون ســــلام مش استســــــلام انا عربـــــى ورافض صمى وكاتم احساس جواياوالشعب العربى فى صـــفى هقول ويردو ورايــــاماتت قلوب الناس ماتت بنا النخوةيمكن نسينا فى يوم ان العرب اخوة يا صــــــاحبى يا انســــان هنــا او فى اى مكـــانببعـت رسالتــــى ليك تطـــــــوى بها الاحــــــزان نبنى مع المـــــــلاين بالعدل والايمـــــــــان ياللــــــــه انا وانت نبنى العـــــــالم امـــــــــــــان ماتت قلوب الناس ماتت بنا النخوةيمكن نسينا فى يوم ان العرب اخوة اصل البشر انســــــــان كل الرســـل اخــــــــوان موســـى وعيســـى ومحمد بيرفضــــو العــــدوان وبيرفضــــو زلنــــــــا وبيمجـــــــدو الانســــــانالله هو المحبــــــــه دينـــــا هو الســـــــــــــــــلامماتت قلوب الناس ماتت بنا النخوةيمكن نسينا فى يوم ان العرب اخوة قلنـــــا شعاع النـــــــور فى حلمنـــــــــــــا الاول يوصـــــل سمـــــا وبحــــور يا لاسف طـــــــول طــــــــول لان اللـــــيل خلى الضـــــمير ابكـــــم لو باقــــى فينـــا يــــوم لابد ان نحلـــــــــــــــــــم ماتت قلوب الناس ماتت بنا النخوةيمكن نسينا فى يوم ان العرب اخوة مات الاحساس جوانـــا ولا احنا اللى امــــــــوات ولا ضـــمير العالم خلاص احســـــاسه مــــــــات و ســلاح الشجــــــب معانا شايلينو للازمــــــــات والناس بتعــــانى معانا بدايات من غير نهايــــات ماتت قلوب الناس ماتت بنا النخوةيمكن نسينا فى يوم ان العرب اخوة قــــــــم يا اخـــى بالدم واستنهض الهمـــــــــــــــه واصـــــرخ وقل بالفم ما غاب فى القمـــــــــــــــه سنقـــاوم مهما قالو ارهابــــــــــا او عـــــــــدوان لن يهدأ قلـــب فينا حتى ننتقى الجـــــــــــــــولان ماتت قلوب الناس ماتت بنا النخوةيمكن نسينا فى يوم ان العرب اخوة انا رافضــــــه هيمنتك تحت ستـــــــار الحريــــه انا رافضــــــه رايك نصـحك بإسم الديمقراطيــــه الحــــريه مش منـــحه تتفــــــــــضل بيها عليــــه ارادتنا تمحى المحــــنه إصحى يا امه يا عربيــــه ماتت قلوب الناس ماتت بنا النخوة يمكن نسينا فى يوم ان العرب اخوة عمر الســــلام ما كان احـــــلام بنشوفها منــــــــام الظـــلم فى كل مكـــان يانـــــــاس كفايه كــــــــلام حــــربك ضد الارهـــاب عنوان ظــــالم كــــداب مفهــومك للحريه ضد حقـــــــــــوق الانســـــــان ماتت قلوب الناس ماتت بنا النخوة يمكن نسينا فى يوم ان العرب اخوة اطفــال شيـــوخ نسـاء تصرخ وما حدش سامـــعاشـلاء دمـاء شـهداء و ضمــــــير العالم ضايـــع يا امه صــــحى الهمه وصــــلى صوتك للكــــون قتلو رمــــــــوز الامه ولا حــــرك فيهم سكــــون ماتت قلوب الناس ماتت بنا النخوة يمكن نسينا فى يوم ان العرب اخوة عادة فينـــا نرعى حقـــــــــــوق الجـــــــــارهذه الشـــــــــعوب غدت عزمـا بغير قــــــــــرار نبــــكى ودمع الناس دمع بغــــــــير رثــــــــــــاء فإذا غــفى الاحساس ماذا يفيــــــــد بكــــــــــــــاء ماتت قلوب الناس ماتت بنا النخوة يمكن نسينا فى يوم ان العرب اخوة عذرا رســــول الله فى حـــــــــــرمه الاديــــــــان لو لــــى مدى احيـــــاء فســــــأطلب الغفـــــــران فبــــعزة التـــــــوراة ومحبــــــــه الانجيــــــــــل بحكــــمه القــــــــران تبقى الاديان دليــــــــــــــل ماتت قلوب الناس ماتت بنا النخوةيمكن نسينا فى يوم ان العرب اخوة غـــــزة بغـــداد بيــــروت الحزن فى كل مكــــان عزيمتنا لا ما تموت راح تقوى بالايمــــــــــــــان كلنا اخوان فى الازمه ايد واحدة على العـــــــدوان كلنا واعيين للفتنه كلنـــــــــــــــا ملك الاوطــــــان ماتت قلوب الناس ماتت بنا النخوةيمكن نسينا فى يوم ان العرب اخوة لعبــتهم هى الفتــنه ولازم نكــــون صــــــــاحيين للفتــنه ونــار الفتــنه لازم نكون واعـــــــــــــيين الا تقـــول مســـلم ومســيحى كلنا واحد إخــــــوان لا تقول سنـــى وشيــعى كلـــــنا اسمنا لبنــــــــان ماتت قلوب الناس ماتت بنا النخوةيمكن نسينا فى يوم ان العرب اخوة ياخـــويا يا عــــربى احنا بقينـــــــا اغــــــــــرابيا صـــــمتنا العربى انطـــــق كفايه غيـــــــــــاب ارفــــــــع جبينك فــــوق خلى الكـــــلام فعـــــاليا ضمــــــيرنا يا عـــــــربى محال موتك محــــالماتت قلوب الناس ماتت بنا النخوةيمكن نسينا فى يوم ان العرب اخوة الله يا الله عـــــــاذت بــــــــــنا الاعـــــــــــــــداءنـــــاديت يا لله ما خــــــاب فيك رجــــــــــــــــاء يقـــــــظ ضـــــــمير الامه رجع لها الاحســــــاسيا رافع الغـــمه صحـــــــى ضــــــمير االنـــــــاس ماتت قلوب الناس ماتت بنا النخوةيمكن نسينا فى يوم ان العرب اخوة صـــــــحى قلوب الناس صـــحى بها النخـــــــوةاصــــرخ بكل احساــــــــس ان العرب اخـــــــوة

احمد العريان

مبروووووك لمصر كلها

2008-02-12T02:41:00.000-08:00

اعتقد مفيش يوم الناس فرحت فى اد اليوم ده ومفيش يوم الناس صوتت فى اد اليوم ده :))ومفيش يوم الناس نزلت فيه الشوارع اد اليوم ده و مفيش يوم الناس رقصت فى زى اليوم ده

الكوره او الساحره المستديره زى ما بيقولوا هى اكتر حاجه تعرف تلم الناس اكتر من اى حدث تانى سواء اجتماعى او سياسى او اى حاجه

يعنى فاكره تانى يوم الماتش وانا ف المحاضره البنات اللى حواليا كلهم كانوا بيتكلموا على الماتش واللعيبه والتمريرات ولا اجدع معلق كووره:))

عملتوا بقى ايه يو الكاس قعدتوا ف البي ولا نلتوا تتنططوا ف الشوارع ؟ وشوارعكوا كانت محتفله بالماتش ولا لأ؟

اعتقد مفيش شارع ف مصر كلها محتفلش بالكاس

مبرووووووك لمصر كلها

عاش بالقلم ومن اجل القلم

2008-02-12T02:03:00.000-08:00

يوم الجمعه باليل تقريبا الساعه 11 مساء توفى الصحفى العظيم مجدى مهنا كان اكتر صحفى محترم ف مصر كان بيقول رايه باحترام ف كل الناس و بصراحه

كل الناس كانت بتحبه عشان كده كل الفئات حضرت جنازته

فقدت الصحافه المصريه رجلا لن يعوض فى ادبه واحترامه وحريه رايه وشجاعته

ايه الزحمه دى؟!0

2008-02-03T04:24:00.000-08:00

كنت مسافره اسكندريه ولسه راجعه الحمد لله النهارده لاحظت ان البلد هناك زحمه جدا حاجه مش معقوله يعنى مش زحمه ناس ماشيين ف الشوارع لأ دى زحمه عربيات كتييره جدا لاحظتها ف اخر مرتين تلاته رحت فيهم اسكندريه والغريبه ان العربيات اللى حواليك كلها ملاكى اسكندريه طب ايه ده كل دى عربيات يعنى الحته اللى بتاخدها مشى ربع ساعه تلاقيك دتها باعربيه ف نص ساعه طب ايه سبب الزحمه دى يعنى زياده عدد سكان؟ طب لو كان كده يبقى ازاى ده عدد العربيات تقريبا اكتر من عدد الناس ؟ طب مثلا ناس مسافرين ف الاجازه ده كل اللى حوالينا ملاكى اسكندريه؟ ولا يمكن الناس كلها جابت عربيات ؟:)) بس الحمد لله رغم ده بس الاجازه كانت حلوه الحمد لله

انتوا عملتوا ايه ف الاجازه كان عندكوا اصلا اجازه ولا ولا؟ نمتوا فى البيت ولا سافرتوا ؟:))

اجازه

2008-01-27T12:12:00.000-08:00

الا سبوع ده انا الحمد لله مبسوطه فيه جدا عشان خلصت امتحانات والاجازه ابتدت كمان بابا رجع من السفر وكمان عشان فوزنا ف ماتش الكاميرون والسودان وربنا يوفقنا ف باقى الماتشات يارب و كمان عشان طبخت النهارده مكرونه بالبشاميل وطلعت حلوه اوى يارب تكونوا كلكوا بخير ومبسوطين

امتحانات

2008-01-21T03:50:00.000-08:00

ازيكوا يا جماعه يا رب تكونوا كلكوا بخير من زمان مكتبتش حاجه ف البلوج بس اعذرونى انا اليومين دول عندى امتحانات ادعولى بقى ان ربنا يوفقنى

new year 2008

2008-01-04T04:11:00.000-08:00

حبيت اقولكوا كل سنه وانتوا طيبين بمناسبه السنه الجديده معلش جات متاخره شويه

كنت عايزه اعرف منكوا ايه الحاجات اللى ف كانت ف مصر 2007 عجبتكوا وعايزينها تستمر ف مصر 2008 وايه الحاجات اللى حصلت معجبتكوش وعايزينها متبقاش موجوده السنه دى؟ و نفسكوا ف ايه جديد يحصل ف مصر

مستنيه ردودكم

سلام:)

حجيت ف المدرسه!!0

2007-12-29T10:05:00.000-08:00

طبعا كلنا نفسنا فى اليوم اللى نحج فيه ونشوف الكعبه وندعى من قلبنا بس اكيد مش كلنا عارفين خطوات الحج اللى احنا المفروض نعملها واحنا بنحج او ممكن يكون فينا عارف بس مش كلنا لو كنا عرفناها يبقى عرفناها واحنا كبار او قبل مانروح نحج مثلا

فى مدرسه ف القاهره عملت فكره جميله جدا وعجبتنى اوى كنت قرات الموضوع ده ف جريده الاهرام تانى يوم العيد المدرسه قالت هتعلم الاطفال ازاى يحجوا و دربوهم اسبوعين كاملين على خطوات الحج وخلت الاطفال راحوا يوم المدرسه و حجوا ف الحوش طبعا مش حج بصحيح بس يعنى عملوا مراسم الحج كلها ف حوش المدرسه وحطوا كعبه ف الحوش وخلوا الاطفال طافوا حواليها وهما لابسين لبس الاحرام اللى وفرتهمهولهم المدرسه والبنات الاطفال لابسين الايشارب الابيض والعبايه البيضه وعمللهم تصميم كده كانه جبل عرفات وطلعوا عيه ودبحهولهم خروف و رمى الجمار وكل حاجه والاطفال كانوا مبسوطين جدا وهم بيعملوا كده

بجد عاجبانى جدا فكره المدرسه دى لانها تحبب الاطفال ف دينهم وتشجعهم انهم يطلعوا يحجوا لما يكبروا وكمان تعلمهم خطوات الحج من وهما صغيرين

فكره حلوه واسلوب كويس للتعليم وياريت دايما نحاول نبتكر طرق زى دى لنعليم الاطفال

عيد سعيد

2007-12-22T15:05:00.000-08:00

ازيكوا يا جماعه يا جماعه كل سنه وانتوا طيبين واتمنى تكونوا قضيتوا عيد سعيد معلش انا عارفه انها متاخره وانى ملحقتش اعيد عليكوا بدرى بس انا سافرت وملحقتش اقولكوا كل سنه وانتوا طيبين

يوم لا تزر وازره وزر اخرى

2007-12-07T11:07:00.000-08:00

منقول

صور ليوم القيامة
سكون يخيم علي كل شيء
صمت رهيب وهدوء عجيب ليس هناك سوي موتي وقبور
انتهي الزمان وفات الاوان

صيحة عالية رهيبة تشق الصمت
يدوي صوتها في الفضاء توقظ الموتي
تبعثر القبور
تنشق الارض
يخرج منها البشر
حفاة عراة
عليهم غبار قبورهم
كلهم يسرعون يلبون النداء فاليوم هو يوم القيامة لا كلام
ينظر الناس حولهم في ذهول
هل هذه الارض التي عشنا عليها ؟؟؟
الجبال دكت
الانهار جفت
البحار اشتعلت الارض غير الارض
السماء غير السماء
لا مفر من تلبية النداء
وقعت الواقعة !!!!
الكل يصمت الكل مشغول بنفسه لا يفكر الا في مصيبته
الان اكتمل العدد من الانس والجن والشياطين والوحوش
الكل واقفون في ارض واحدة
فجأة ...
تتعلق العيون بالسماء انها تنشق في صوت رهيب يزيد الرعب رعبا والفزع فزعا
ينزل من السماء ملائكة اشكالهم رهيبة
يقفون صفا واحدا في خشوع وذل
يفزع الناس يسألونهم
أفيكم ربنا ... ؟؟؟!!!
ترتجف الملائكة
سبحان ربنا
ليس بيننا ولكنه آت ...
يتوالي نزول الملائكة حتي ينزل حملة العرش ينطلق منهم صوت التسبيح عاليا في صمت الخلائق
ثم ينزل الله تبارك وتعالي في جلاله وملكه ويضع كرسيه حيث يشاء من ارضه
ويقول سبحانه ) يا معشر الجن والانس اني قد انصت اليكم منذ ان خلقتكم الي يومكم هذا
اسمع قولكم وابصر اعمالكم ..)
فانصتوا اليّ
فانما هي اعمالكم وصحفكم تقرأ عليكم
فمن وجد خيرا فليحمد الله ومن وجد غير ذلك فلا يلومن الا نفسه
الناس ابصارهم زائغة والشمس تدنو من الرؤس من فوقهم لا يفصل بينهم وبينها الا ميل واحد
ولكنها في هذا اليوم حرها مضاعف
انا وأنت واقفون معهم نبكي دموعنا تنهمر من الفزع والخوف
الكل ينتظر ويطول الانتظار
خمســــــــــــون ألف سنة
تقف لا تدري الي أين تمضي الي الجنة او النار
خمسون الف سنة ولا شربة ماء
تلتهب الافواه والامعاء
الكل ينتظر
البعض يطلب الرحمة ولو بالذهاب الي النار من هول الموقف وطول الانتظار
لهذه الدرجة نعم؟؟؟!!!
ماذا أفعل ..
هل من ملجأ يومئذ من كل هذا ؟؟؟
نعم فهناك أصحاب الامتيازات الخاصة
الذين يظلهم الله تحت عرشه
منهم شاب نشأ في طاعة الله
ومنهم رجل قلبه معلق بالمساجد
ومنهم من ذكر الله خاليا ففاضت عيناه
هل أنت من هؤلاء ؟؟؟
الأمل الأخير..
ما حال بقية الناس ؟
يجثون علي ركبهم خائفين ..
أليس هذا هو أدم أبو البشر ؟ أليس هذا من أسجد الله له الملائكة ؟ الكل يجري اليه ..
اشفع لنا عند الله اسأله أن يصرفنا من هذا الموقف ..
فيقول : ان ربى قد غضب اليوم غضبا لم يغضب مثله من قبل ..
نفسي نفسي. .
يجرون الي موسي فيقول :
نفسي نفسي ..
يجرون الي عيسي يقول :
نفسي نفسي ..
وأنت معهم تهتف
نفسي نفسي .....
فاذا بهم يرون محمد صلي الله عليه فيسرعون اليه
فيبنطلق الي ربه ويستأذن عليه فيؤذن له
ويقال سل تعط واشفع تشفع ..
والناس كلهم يرتقبون
فاذا بنور باهر انه نور عرش الرحمن
وأشرقت الارض بنور ربها
سيبدأ الحساب ..
ينادي ..
فلان بن فلان ..
انه اسمك أنت
تفزع من مكانك ..
يأتي عليك الملائكة يمسكون بك من كتفيك
يمشون بك في وسط الخلائق الراكعة علي أرجلها
وكلهم ينظرون اليك ..
صوت جهنم يزأر في أذنك ..
وأيدي الملائكة علي كتفك ..
ويذهبون بك لتقف أمام الله للسؤال .....
. ويبدأ مشهد جديد...
هذا المشهد سأدعه لك أخي ولك يا أختي
فكل واحد منا يعرف ماذا عمل في حياته
هل أطعت الله ورسوله محمد صلي الله عليه وسلم؟؟؟
هل قرأت القرآن الكريم وعملت بأحكامه ؟؟
هل عملت بسنة نبينا محمد صلي الله عليه وسلم ؟؟؟
هل أديت الصلاه في وقتها ؟؟؟
هل صمت رمضان ايمانا واحتسابا ؟؟؟
هل تجنبت النفاق أمام الناس بحثا عن الشهرة ؟؟
هل أديت فريضة الحج ؟؟؟
هل أديت زكاة مالك ؟؟؟
هل بررت أمك واباك ؟؟
هل كنت صادقا مع نفسك ومع الناس أم كنت تكذب وتكذب وتكذب ؟؟
هل كنت حسن الخلق أم عديم الأخلاق ؟؟؟
هل ..
وهل ...
وهل ؟؟
هناك الحساب ....
أما الآن ...!!!
فاعمل لذلك اليوم...
ولا تدخر جهداَ
واعمل عملاَ يدخلك الجنه
ويبيض وجهك أمام الله يوم تلقاه ليحاسبك،
وإلا فإن جهنم هي المأوى ...
واعلم أن الله كما أنه غفور رحيم هو أيضا شديد العقاب

from hellmakers .com

جحا و ابنه والحمار

2007-11-11T12:28:00.000-08:00

الناس ممكن تستشيرهم ف امورك و تسمع تجاربهم وخبراتهم وتستفاد من نصايحهم لكن فى الاول و ف الاخر انت سيد قرارك يعنى تعمل الحاجه اللى انت عايزها حتى لو الناس لاموك على فعل انت عملته اصل كلام الناس مبيخلصش وانت مش هتعجب

كل الناس و الامثله على ده كتير يعنى مثلا لو رحت اشتريت حاجه غاليه ناس تقولك انت صح والحاجه الغاليه هتعيش معاك سنين و ناس تقولك انت كده بتبدد فلوسك وكان ممكن تجيبها بتمن اقل

لو مثلا اختلفت مع واحد وحسيت انك كنت غلطان ان رحت اعتذرتله ناس تقولك ايوه كده كويس وانت خدت الثواب وناس تقولك انت مكنش المفروض تروح ابدا تعتذرله لو عاملت الناس بحده و عاملت الحاجه اللى مصلحتك يقولولك انت انانى ومش بتحب الا نفسك ولو عملتلهم الحاجه اللى هما عايزنها ولو طلبوا منك حاجه تعملهالهم و تحاول دايما ترضيهم ومتزعلهمش يقولولك انت اهبل وعبيط

يعنى با ختصار الواحد يعمل الحاجه اللى هو مقتنع بيها و شا يفها صح بغض النظر عن كلام الناس لان زى مقولتلك انت مش هتعجبهم كلهم

عارفين زى ايه زى جحا وابنه والحمار لما جحا قعد على الحمار ومشى ابنه جنبه قالولوا حرام عليك ممشى ابنك الصغير على رجليه وانت قاعد مرتاح على الحمار لما قعد ابنه على الحمار ومشى هو قالوا لابنه حرام عيك سايب ابوك الكبير فى السن ماشى على رجليه وقاعد انت مرتاح لما قعدوا هما الاتنين على الحمار قالولهم حرام عليكوا الحمار انتوا كده هتفطسوه لما نزلوا هما الاتنين من على الحمار قالك دول هبل دول ولا ايه سايبين الحمار هما الاتنين وماشىن على رجليهم لما احتاروا وزهقوا وشالوا فى الاخر الحمار على دماغهم الناس قالوا دول مجانين:)))0

سلام

happy valentine day

2007-11-11T11:19:00.000-08:00

معلش بقى يا جماعه جات متاخره شويه بس كنت مشغوله شويه الفتره اللى فاتت وحبيت اقولكم كل سنه وانتوا طيبين:)

زمزم

2007-10-26T12:32:00.000-07:00

ازيكوا يا جماعه من زمان مكتبتش ف البلوج وحشتونى:))

مياه زمزم (سبحان الله)0

قال أحد الأطباء في عام 1971 إن ماء زمزم غير صالح للشرب ، استناداً إلى أن موقع الكعبة المشرفة منخفض عن سطح البحر ويوجد في منتصف مكة ، فلا بد أن مياهالصرف الصحي تتجمع في بئر زمزم

ما أن وصل ذلك إلى علم الملك فيصل رحمه الله حتى أصدر أوامره بالتحقيق في هذاالموضوع ، وتقرر إرسال عينات من ماء زمزم إلى معامل أوروبية لإثبات صلاحيته للشرب

ويقول المهندس الكيميائي الذي كان يعمل لدى وزارة الموارد المائية السعودية في ذلك الحين ، أنه تم اختياره لجمع تلك العينات ..وكانت تلك أول مرة تقع فيها عيناه على البئر التي تنبع منها تلك المياه وعندمارآها لم يكن من السهل ان يصدق أن بركة مياه صغيرة لا يتجاوز طولها قدماوعرضها 14 قدماً ، توفر ملايين الجالونات من المياه كل سنة للحجاج منذ حفرت فى عهد إبراهيم عليه السلام

وبدأ المهندس عمله بقياس أبعاد البئر، ثم طلب أن يريه عمق المياه، فبادرالرجل بالاغتسال، ثم نزل إلى البركة، ليصل ارتفاع المياه إلى كتفيه، وأخذ يتنقلمن ناحية لأخرى في البركة، بحثاً عن أي مدخل تأتي منه المياه إلى البركة، غيرأنه لم يجد شيئاً .. وهنا خطرت له فكرة يمكن أن تساعد في معرفة مصدرالمياه ، وهي شفط المياه بسرعة باستخدام مضخة ضخمة كانت موجودة في الموقع لنقل مياه زمزم إلى الخزانات ، بحيث ينخفض مستوى المياه بما يتيح له رؤية مصدرها غيرأنه لم يتمكن من ملاحظة شيء خلال فترة الشفط، فطلب من مساعده أن ينزل إلى الماءمرة أخرى .. وهنا شعر الرجل بالرمال تتحرك تحت قدميه في جميع أنحاء البئر أثناءشفط المياه ، فيما تنبع منها مياه جديدة لتحلها ، وكانت تلك المياه تنبع بنفس معدل سحب المياه الذي تحدثه المضخة ، بحيث أن مستوى الماء في البئر لم يتأثرإطلاقاً بالمضخة

وهنا قام المهندس بأخذ العينات التي سيتم إرسالها إلى المعامل الأوروبية ،وقبل مغادرته مكة استفسر من السلطات عن الآبار الأخرى المحيطة بالمدينة ،فأخبروه بأن معظمها جافة ..وجاءت نتائج التحاليل التي أجريت في المعامل الأوروبية ومعامل ا لموارد المائية السعودية متطابقة، مدينة مكة ولعل هذا هو السبب في أن مياه زمزم تنعش الحجاج المنهكين .. ولكن الأهم من ذلك هو أن مياه زمزم تحتوي على مركبات الفلور التي تعمل على إبادة الجراثيم !!وأفادت نتائج التحاليل التي أجريت في المعامل الأوروبية أن المياه صالحة للشربويجدر بنا أن نشير أيضاً إلى أن بئر زمزم لم تجف أبداً من مئات السنين، وأنهادائما ما كانت توفي بالكميات المطلوبة من المياه للحجاج ، وأن صلاحيتها للشربتعتبر أمراً معترفاً به على مستوى العالم نظراً لقيام الحجاج من مختلف أنحاءالعالم على مدى مئات السنين بشرب تلك المياه المنعشة والاستمتاع بها .. .. كما أنه عادةما تنمو الفطريات والنباتات في الآبار، مما يسبب اختلاف طعم المياه ورائحتهاأما بئر زمزم فلا تنمو فيها أية فطريات أو نباتات ..فسبحان الله رب العالمين

BY RED BULL

عيد سعيد

2007-10-12T14:47:00.000-07:00

كل سنه وانتوا طيبين و ان شاء الله يارب يكون عيد سعيد علينا كلنا دول شويه تصميمات كده عملتهم للعيد يارب يعجبوكوا

الاعتراف با لخطأ

2007-10-11T08:18:00.000-07:00

مش غلط ان الانسان يعترف بخطأه او يعتذر لما يحس ان هو غلط مع شخص الغلط ان الواحد يغلط ويكون عارف كده بس يقول مينفعش اعتذر ويفضل يبرر فى الخطأ بتاعه وخلاص

بس اهم حاجه انك لما تعتذر للشخص تقوله انه مش غلط ان شخص يعترف بخطأه اهم حاجه انك لما تعترف بخطأك تكون واثق من نفسك وبتتكلم بثقه بحيث ان الشخص اللى قدامك ميحسش انك بتعتذر لانك شخص ضعيف لأ يفهم انك لما بتغلط بتعترف بخطأ وصدقونى والله بتكبروا جدا فى نظر الشخص اللى قدامكم حتى لو كنتوا زعلتوا مثلا من بعض او كان خلاف جامد بس بجد بيحترمك جدا الشخص اللى قدامك الموقف ده انا متاكده منه لانه حصل معايا وبقيت مبسوطه جدا لما اعترفت بخطأى بثقه لانى قبل كده كنت بحس انى لما اعتذر ان ده ضعف حربوا وبجد هتكسبوا

وكل سنه وانتوا طيبين رمضان كل سنه بيعدى اسرع مناللىقبلها

سلام

من مصر (لا تعليق) 0

2007-10-06T15:47:00.001-07:00

اصل تقاليد رمضان

2007-09-27T04:45:00.000-07:00

كل سنه وانتوا طيبين و رمضان كريم معلش اتاخرت شويه عليكوا بسر كنت مشغوله شويه ف عشان اول سنه ف الكليه وكده

رمضان بيعدى بسرعه جدا و زى الصاروخ واتمنى ان احنا نلحق نعمل فيه حاجه كويسه قبل ما يخلص

ف البوست اللى فات بتع فانوس رمضان كنتوا بتسالوا عن عله القطايف برمضان و معنى وحوى يا وحوى انا دورت كده وبحثت لحد ما قدرت اجيبلكوا معلومات مفيده و بسيطه

وحوى يا وحى اياحا وكمان وحوى اياحا طبعا كلنا بنحب الاغنيه دى وبنغنيها من ايام ما كنا صغيرين ومش عارفين مزعناها ايه وحوى يا وحوى اصلا كلمه فرعونيه وحوى معناها رمضان والياحه معناها القمر

لو حد بقى يعرف يعنى ايه حلو يا حلو ياريت يقولنا او لو عندكوا معلومات زياده

اما بقى عن علاقه الكنافه والقطايف برمضان

الكنافه متفق ان اصلها كان ايام الفاطميين فى بيقولوا انها ف الاول كانت طعام الخلفاء وان الخليفه معاويه ابى سفيان كان بيحب ياكلها ف السحور ومن هنا انتقلت للناس وبقوا بيحبوا يياكلوها

واصبحت طعام الاغنياء والفقراء ولقد تغنى بها شعراء بنى اميه فى قصائدهم ويقال ان ابن الرومى كان معروفا بعشقه للكنافه والقطايف وتغنى بهم فى شعره

وهناك حكايه اخرى تقول ان الكنافه ترجع للاحباب قيقال ان احد غضبت عليه زوجته وغادرت منزلها متجهه الى بيت اهلها وظل الخصام ممتدا حتى شهر رمضان وحاول الكثير الاصلاح بينهم ولكنهم فشللوا ولكن عند اقبال الشهر الكريم تذكر الزوج حب كنافه زوجته وتذكرت الزوجه انه يحب كنافتها فبعثت بصنيه كنافه الى منزله فما كلن من الزوج الاان اخذ الصينيه وذهب الى بيت اهلها ليفطرا بها هما الاثنين وعنما دخل عليها فرحت الزوجه كثيرا ورجعا معا الى منزلهما بعد الافطار فاستطاعت الكنافه انت تصنع ما لم يصنعه احد

القطايف معرفتش علاقتها برمضان اكيد لما اعرف هقولكوا او لو عرفتوا تقولولنا برضه

ام على يحكى ان ام المنصور اللى هى ام على برضه زوجه عز الدين ايبك عندما انتقمت من شجره الدر وقتلتها هى وحاشيتها بالقباقيب كما يقال المهم احتفلت ام على بالمناسبه وظلت تقدم حوالى شهر طبق من السكر واللبن واالعيش ومن هنا اطلق على الطبق ام على واحبه المصريون جميعا

بس دى كل المعلومات اللى عندى وكل سنه وانتوا طيبين و رمضان كريم

http://www.dammamsa.com/vb/showthread.php?t=14810

http://www.ndp.org.eg/youth/Topics/ViewTopicDetails.aspx?TopicID=88

حكايه فانوس رمضان

2007-09-16T19:02:00.000-07:00

رمضان كريم عليكوا كلكوا و يا رب كده نستفاد من الشهر الكريم اللى بيعدى زى الصاروخ

اكيد طبعا كلنا بنحب الفوانيس ومنكم بيجيبها لحد دلوقتى او لاخواته او بيعلقها او كان بيجيبها وهو صغير و يتسلى بيها وفى فوانيس بكل شكل ولون اللى بشمعه واللى بينور واللى بيقول بابا فين واللى بيغنى اغانى كتير ووحوى يا وحوى واللى على شكل بكار واللى على شكل مصباح على دين و حاجات تانيه كتير

لكن هل انتوا عارفين ايه حكايه الفوانيس دى واتعملت امتى وازاى؟

مصر تقريبا هى اكتر دوله بتستخدم فانوس رمضان وده عندنا تقليد من ايام العصر الفاطمى كان الفانوس بيعملوه نحاس ويحطوا جواه شمعه او يعملوه من الصفيح او الزجاج وكان شكل الفانوس محدود لكن دلوقتى اغلب الفوانيس بقت بلاستيك وبالبطاريه واشكالها كتيره وكان الاطفال زمان بيحبوا جدا الفوانيس خصوصا لانها كانت مصدر للاضاءه عشان مكنش فيه كهرباء وكان الاطفال بيجمعوا بليل ويلعبوا بالفوانيس ويغنوا بقى وحوى يا وحى على حلو يا حلو

اما عن اصل حكايه الفانوس فليها اكتر من قصه1- بيقولوا زمان ان الخليفه الفاطمى كان بيطلع عشان يستطلع رؤيه هلال شهر رمضان وكان الاطفال بيمشوا قدامه ينورولوا الطريق بالفوانيس عشان يشوف وعندما كان يرى الخليفه الهلال كان الاطفال بيفرحوا كتير ويهللوا ويغنوا لشهر رمضان

2- فى ناس تانيه بتقول ان الخليفه الفاطمى كان بيحب تبقى الشوارع منوره طوال شهر رمضان فطلب من الجوامع كلها انها تعلق فوانيس

3- وفى ناس تانيه بتقول ان النساء زمان مكنش مسموح لهم بالنزول الا ف رمضان فكان يخرج غلام امامهم حاملا فانوس لينير لها الطريق و لكى ينبه الرجال ان هناك سيده تسير فى الطريق فكانوا بياخدوا راحتهم

وفى حكايات تانيه كتير لو حد عارف منهم حاجه يقولى

بس مهما كان اصل الفانوس فهو هيفضل تقليد جميل ونعلقوا ف شهر رمضان والاطفال بيلعبوا بيه فى الشوارع والبيوت والمطاعم وف كل حته

قولولى بقى اشتريتوا السنه دى فانوس ولا لأ؟:)))

مصدر المعلومات

hellmakers.com

رمضان كريم

2007-09-13T12:42:00.000-07:00

رمضان كريم
دوول شويه تصميمات كده عملتهم بمناسبه شهر رمضان معلش بقى هما مش مظبوطين قوى عشان انا اللى رسمتهم

تفتكروا ليه؟

2007-09-07T20:03:00.000-07:00

تفتكروا ليه احنا بندعى ان ربنا ينصرنا وده مبيحصلش يعنى الامام بيطلع ويقول اللهم انصر اخواننا المسلمين فى فلسطين والعراق تقريبا كل جمعه وان ربنا يصلح الحال حتى لو ف ليله القدر ومبيحصلش؟ ليه ساعات فى حاجه بنطلبها من ربنا سبحانه وتعالى ومبتحصلش مهو اكيد طبعا العيب او المشكله فينا احنا طيب هل لان احنا مش بندعى بقلبنا يعنى اهو كلام بنقوله وخلاص؟ ولا هل لان احنا مش بنسعى للحاجه ونكتفى بالدعاء؟ اقصد يعنى انه عشان ربنا ينصرنا مينفعش نفضل قاعدين لازم نسعى

ولا عشان ايه ممكن ندعى ودعانا ميستجابش؟

مستنيه تعليقاتكم

سلام

تحديث

بعد مناقشت الموضوع معاكم ولقيت الاسباب اللى مخليا دعانا مش مستجاب هى

1-مش بناخد بالاسباب يعنى بندعى وخلاص

2-مش بنسعى ولا بنستعد

3-بندعى من غير قلب

4 - بنردد ورا الامام واحنا حتى مش مدركين احنا بنقول ايه اهو كلام وخلاص

5-ساعات مش بيكون عندنا صدق نيه

6- التواكل وهو استبدال العمل بالدعاء

7-بندعى وقلوبنا ونفوسنا مش صافيه وكلنا ذنوب

8-مش فاهمين دينا يعنى مفكرين ان احنا لما نقول يا رب انصرنا هننتصر

9-مش بنتقى الله وبعاد عن ربنا

10-مش متحدين

11-لا يغير الله ما بقوم حتى يغيروا ما بانفسهم

بقى بعد كل ده عايزين ربنا يستجاب لدعانا

الطفل محمد

2007-09-02T08:35:00.000-07:00

من جريده المصرى اليوم بتاريخ 2 سبتمبر 2007 للكاتب محمد كامل

النهرضه قريت خبر فى جريده المصرى اليوم وزعلنى كتيير طفل صغير لم يتم الاربع سنوات فى قريه من القرى ذهب ف يوم لشراء قطعه حلوى خرج الطفل من منزله واثناء ذهابه سقط فى بلاعه طبعا لان البلاعه كانت مكشوفه ومن غير غطاء ظل الطفل لمده نصف ساعه فى البلاعه بعد ان علم الاب والام واخرجوه منها فى حاله سيئه اخذه والده سريعا الى مستشفى السلام وهناك اخبرهم الطبيب بان الطفل توفى طبعا كانت صدمه لاهل الطفل

الاب يتساءل لماذا لم يتم التحقيق فى وفاه ابنى ولماذا لا تتم تغطيه هذه اللبلاعات المكشوفه فهناك 3 بلاعات فى الشارع بدون غطاء والشارع يضم 3 مدارس وطبعا الدراسه قربت والاطفال بيجروا فى الشوارع وممكن لا قدر الله الحادثه تتكرر مره اخرى

الغريب ان هذه البلاعه حتى الان لم يتم تغطيتها وكانه لم يحدث الشىء والغريب ايضا ان اهالى القريه لما سئلوا المسئولين عن اغطيه البالوعات قالوا"هنعمل ايه اذا كانت بتتسرق" انا مش فاهمه بصراحه اللى بيسرق غطاء بلاعه ده هيسرقوا يعمل بيه ايه؟؟! ولما الاغطيه بقى بتتسرق يا ترى بقى احنا هنعمل ايه ؟هنسيب البلاعات مكشوفه لحسن لو حطينا واحد تانى يتسرق ! ونسيب حادثه الطفل محمد تتكرر تانى؟

http://www.almasry-alyoum.com/article.aspx?ArticleID=74638

قلب بلا عنوان

2007-09-01T04:59:00.000-07:00

دى قصيده قريتها النهرضه وعجبتنى جدا حبيت اجيبهالكم القصيده دى لشاعرنا العظيم فاروق جويده

قلب بلا عنوان

ما عاد يا دنياى وقت للهوى

ما عاد همس الحب فى وجدانى

ما عاد نبض القلب ينطق بالمنى

وكفرت بالدنيا وبالانسان

فحلمت احلاما تلاشى سحرها

كرفات قلب ضاق بالاكفان

ونسيت ازهارا غرسناها معا

وجنى عليها الدهر بالحرمان

وجنيت منها الحب كاسا ظالما

كم ذبت ياقلبى من الاحزان

وحسبت ان العمر بحرا هادىء

فرايت موج البحر كالبركان

وغرقت فى الم الحياه وهدنى

عبث الحياه وحيره الانسان

فالكاس اياما نعيش بحزنها

والعمر سجن خانق القضبان

والناس اطيافا تمر كانها

اشباح صيف شاحب الاغصان

هم السكارى فى الحياه وخمرهم

امل عقيم او شعار فانى

وتعربد الايام فيهم ما ترى

فى العمر فى الاخلاق فى الوجدان

ما اجبن الانسان يدفن عمره

ليعيش تحت السوط والسجان

ويقول حظى ان اعيش ممزقا

واظل صوتا لايراه لسانى

ما عاد يا ايامى وقتا للهوى

ما عاد نبض الحب فى الوجدان

الحب ان نجد الامان مع المنى

لايضيع العمر فى القضبان

الا تمزقنا الحياه بخوفها

ان يشعر الانسان بالانسان

ان نجعل الايام طيفا هادىء

ان نغرس الاحلام فى البستان

الا يعانى الجوع ابنائى غدا

الا يضيق المرء بالحرمان

اخشى ان يقف الزمان بحسره

ويقول كانوا لعنه الانسان

فغدا سيذكرنا الزمان كاننا

بعنا الهواء الطلق بالدخان

كلماتنا صارت تباع وتشترى

وبابخس الاسعار بالمجان

فلقد عرفنا الله فى القران

ونساؤنا صغن الحياه روايه

كلماتها شىء بغير معانى

الفقر حطم فى النساء حيائها

صارت تباع بارخص الاثمان

وشبابنا جعلوا الحياه قضيه

اما يمين او يسار قانى

ونسوا تراب الارض ويح عقولهم

هل بعد طين الارض من اوطان

وشيوخنا يجلو علينا بالمنى

من يا ترى يحيا بغير امانى

قالوا لنا ان الحياه تجارب

والويل كل الويل للعصيان

تركوا لنا وطنا حزينا ضائعا

تركوا الربيع ممزق الاغصان

كلماتنا يوما اضاءت دربنا

كلماتنا الان شيئا بغير معانى

كم قلت منياسى سارحل علنى

اجد الظلال على ربا النسيان

حتى يعود الحب يملا مهجتى

ويشع نورا فى سماء كيانى

ولكنى ادركت ان بدايتى

ونهايتى ستكون فى اوطانى

وساسل الايام عل مدينتى

يوما ستعرف قيمه الانسان

قد انكرتنى فى الزحام وما درت

انى يمزقنى لظى حرمانى

انى وليدتك يا مدينتى فهل

صار الجحود طبيعه الاوطان

هل صار قتل البنت فيك محللا

ام صار حكم الارض للشيطان

انى تجاوزت الحديث وانما

حقى عليك سماحه الغفران

فان غضبت فانت امى فارحمنى

واذا عتبت فذاك من احزانى

شاعرنا العظيم فاروق جويده

شهر رمضان

2007-08-26T15:41:00.000-07:00

اللهم بارك لنا فى شعبان وبلغنا رمضان

مجرد اقتراح

2007-08-24T13:24:00.000-07:00

انا عارفه طبعا ان فى كتير من الناس ومن ضمنهم انا متضايقين من نظام التنسيق للكليات فى مصر لان بعد النتيجه على طول بالكتير 3 او 4 ايام نفكر فيهم فى الكليه اللى هندخلها وطبعا ده وقت قصير جدا وبعدين يبدا التنسيق --- النظام ده مكانش عجبنا كلنا تقريبا وان المفروض يتغير وان كل كليه تعمل اختبار علشان ميول وقدرات الطالب اللى داخلها ويعرف اذا كانت الكليه دى مناسبه ام لا احنا كان نفسنا ان نظام زى ده يتعمل ومن قريب قال وزير التعليم العالى ان هذا النظام سوف يطبق - لكن طبعا معروف ان احنا مبيعجبناش حاجه لاكده عاجب ولاكده عاجب زى مانا برضه مبيعجبنيش حاجه:)) 0الصحفيين قالوا ان النظام الجديد مش هينفع ,وجهه نظرهم كويسه هما قالوا ان النظام ده هيضر الطلبه لانهم قالوا ان ممكن الكوسه تتدخل فى الموضوع ازاى؟ يعنى مثلا بالنسبه لاختبار القدرات لو حد مثلا واستطه كبيره ممكن يدخل الكليه حتى لو كان مش وطالب تانى ينجح ف الاختبار وميتقبلش لسبب ان ملهوش واسطه وهذا ما ذكره الكثير من الصحفيين منهم الكاتب الصحفى لبيب السباعى وشاعرنا العظيم فاروق جويده 0وقيل ان هذا النظام الجديدممكن يكبق ولكن ف الخارج مش هنا 0انا معاهم ان ده وارد ان هو يحصل وساعتها هتبقى المشكله اكبر واكبر0الناس دلوقتى بتفضل ان النظام الحالى يفضل موجودمع اننا اصلا بنشتكى منه لان الطالب لما بيكتب الرغبات بيكون اصلا مش عارف ايه الى هو هيدرسه ف الكليات الى هو كاتبها------- انا عندى اقتراح انا الصراحه معرفش ان كان هينفع ولا لا بس انا هقوله وخلاص يمكن يكون كويس -ايه رايكم لو جميع كليات مصر عملت كتيبات صغيره جدا لا تتجاوز العشر صفحات فيها تعريف بكل كليه وواسماء المواد ونبذه صغيره عن كل ماده يعنى كليه الطب تنزل كتاب والهندسه والصيدله00000)كل الكليات بحيث ان يوم ما النتيجه تتطلع والطالب يروح المدرسه يستلم الملف تكون الكتب دى متوفره فى المدرسه (طبعا الكتب دى تبقى مجانا)والطالب يشوف الكليات اللى هو محتار فيها وياخد كتبها يقراها بحيث ان هو يختار الكليه اللى هو ميال ليها ويختارها0وبكده يفضل النظام الحالى بس الطالب يكتب الرغبات الكليه اللى مناسبه لميوله - فى حل تانى يمكن يكون هو الافضل لو الحكومه شافت ان الكتب دى هتبقى مكلفه بالنسبه لها مثلا على اساس انها هتبقى مجانيه ممكن ان الكتب دى بدل متنطبعتنزل على موقع وزاره التربيه والتعليم او يتعمل موقع مخصوص لها بحيث ان الطالب يتطلع عليه من خلال الموقع وطبعا كده الطالب هيستفيد والحكومه مش هتتكلف حاجه

عاوزه اعرف ايه رايكم بخصوص الاقتراح ده؟

سلام

اعتذار

2007-08-22T12:40:00.000-07:00

بسم الله الرحمن الرحيم

انا بقدم اعتذاري بجد واتمنى تسامحونى على الحديث السابق اللى انا نشرته لانى علمت انه حديث منكر واكتشفت ان فى مواقع كتير دلوقتى بقت بتنشر احاديث خاطئه واحاديث ضعيفه وطبعا كله بينقل من بعضه زى ما انا عملت كده من غير ما يتاكد من صحه الحديث وبجد فعلا شكر خاص لروح لان هى اللى قالتلى ان الحديث منكر ولو مكنتش قالتلى مكنتش هعرف هى اديتنى موقع اتمنى ان احنا كلنا نستفاد منه لما نكتب حديث علشان نعرف اذا كان صحيح ام لا

وهو http://www.dorar.net/hadith.php

انا بجد بشكرها جدا واجرها عند الله سبحانه وتعالى واتمنى ان انتوا تتقبلوا اعتذارى

اجر عظيم

2007-08-19T16:16:00.000-07:00

. قال رسول الله صلى الله عليه وآله وسلم: ) الحمد لله الذي تواضع لعظمته كلُّ شيء، الحمد لله الذي استسلم لقدرته كلُّ شيء، الحمد لله الذي ذلَّ لعزَّته كلُّ شيء، الحمد لله الذي خضع لملكه كلُّ شيء (من قال هذا الدعاء مرة واحدة، تكتب له 1000حسنة ويرفع به 1000 درجة، ويوكل الله له 70000 ملك يستغفرون له إلى يوم القيامة

تحديث
يا جماعه معلش انا اسفه محدش يا خد بالحديث ده لانى اكتشفت ان الحديث ده منكر وانا بحذركوا تاخدوا بيه انا اسفه معلش انى كتبته قبل متاكد وربنا يسامحنى

6 اكتوبر

2007-08-18T12:00:00.000-07:00

مدينه 6 اكتوبر هى مدينه من المدن المصريه الجديده وطالما هى مدينه جديده يبقى احنا لازم نهتم بيها ونوفر فيها كل الخدمات علشان

الناس تسكن فيها طيب يبقى اول حاجه لازم نعملها ان احنا نوفر لها وسائل المواصلات الازمه علشان الناس تتشجع وتروحها الحمد لله المدينه فى السنوات الاخيره تطورت تطور سريع وطبعا فيها جامعات خاصه مهمه زى مثلا جامعه 6 اكتوبر وجامعه مصر للعلوم والتكنولوجيا وكمان فيها مدارس كتيره واتبنى فيها كتير من المطاعم والمناطق الترفيهيه

مدينه زى دى هل ينفع ان وسيله المواصلات الوحيده لها تكون اتوبيس واحد وهو اتوبيس 795 واللى بيوصل ؟للمدينه من ميدان احمد حلمى وكمان الاتوبيس ده اتلغى من حوالى اسبوعين تلاته

اعتقد ان الواحد اول لما بيروح مكان جديد لوهيزوره او هيروح فى جامعه او هيسكن فيه لازم يتاكد من توافر وسائل المواصلات يبقى ازاى الناس هتتشجع وتروح المدينه اللى هى اصلا مفيهاش ولا وسيله مواصلات

مدينه زى دى لازم اعتقد يعنى تتوفرلها المواصلات يعنى يتوفرلها اكتر من اتوبيس علشان الطلبه يروحوا الجامعات وكمات يتوفر لها مترو انفاق اعتقد ان مشروع مترو الانفاق هيبقى مشروع كويس وهيحى المدينه وهيشجع الناس تروحها وده اللى انا بطلبه من مسئولين المواصلات

انا عارفه ان الموضوع ممكن بالنسبه لكم يكون مش مهم بس انا متاكده ان هو مهم للناس اللى بيروحوا المدينه وطلبه الجامعات

سلام

منظر اهبل وعبيط

2007-08-11T12:04:00.000-07:00

دايما وانا بتفرج على برنامج او اخبار مثلا االاقى المراسل واقف وحوالين منه100 وش

اللى باصص للكاميره وعمال يضحك زى الاهبل واللى بيعمل للكاميرا باى باى واللى رايح جاى ورا المذيعه واللى ولقف كده وخلاص علشان يطلع ف التلفزيون الصراحه المنظر بيبقى مش ظريف خالص الحاجه الغريبه ان اللى واقفين بيكونوا من مختلف الاعمار يعنى لو مثلا كان اللى واقفين اطفال بس كنا قلنا ماشى معلش دول اطفال ولسه صغيرين لكن الكل واقف يعنى مثلا طفل عنده 5 سنين واقف وبيعمل باىباى وجنب منه راجل عنده سبعين سنه و واقف يضحك للكاميرا وساعات بقى بيكون الوقت مش مناسب خالص يعنى انا فاكره مثلا ايام الانتخابات والمذيعه واقفه قدام باب اللجنه والناس برضه حطين وشهم فى الكاميرا هو انتوا رايحين تنتخبوا ولا رايحين علشان تطلعوا فى التلفزيون وساعات بيكون فى حادثه والمذيعه حواليها خرابه ودمار والناس برضه سابت الكارثه وواقفه تبص للكاميرا

مش المنظر برضه بيكون اهبل وعبيط ولا انا كلامى غلط واللى بيحصل ده عادى؟؟؟

اهبالمناسبه انا هروح اسكندريه اسبوع كده وبعدين هرجعلكوا تانى هتوحشونى:)

سلام

انا لله وانا اليه راجعون

2007-08-10T13:35:00.000-07:00

لم اعرفها ولم ازر مدونتها من قبل الا بعد ان توفيت وعرفت انها كانت مريضه سبحان الله اخر موضوع كتبته كان عنوانه غياب لاجل يعلمه الله هى المدونه شيماء والتى توفيت ف النصف من رجب رحمها الله وادخلها فسيح جناته

اوصيكم بقراءه الفاتحه وبالدعاء لها دائما

www.shikoonline.blogspot.com

سبحان الله

2007-08-07T18:00:00.000-07:00

صوره للفيل قبل خروجه من بطن الام

سبحان من ابدع

فتبارك الله احسن الخالقين

امتى بكون مبسوطه

2007-08-05T15:56:00.000-07:00

لما اتمرجح على المرجيحه اللى انا بحبها

لما انزل الميه
لما اخرج واروح فسحه حلوه
لما اكل اكله بحبها
لما اتغطى بالحاف وانا سقعانه
لما اشرب كاكاو ف الشتاء

لما اروح الملاهى
لما اروح السينما(طبعا لما يكون الفيلم حلو

لما اسمع اغنيه بحبها

لما انام وانا جعانه نووم
يوم لما خلصت امتحانات

يوم لما النتيجه طلعت
لما اشرب مياه ساقعه والجو حر

لما اشترى لحد هديه وتعجبه

لما اخد العيديه
لما مصروفى يزيد

لما بلاقى ف الهدوم فلوس

اكيد طبعا فى حاجات تانيه والحاجات دى اكيد شايفينها حاجات عيالى وهايفه بس بجد هى دى اللى بتبسطنى

و دخلت الطب

2007-07-30T10:13:00.000-07:00

امبارح وانا قاعده تقريبا كده كانت الساعه اتنين الظهرجاتلى على الموبايل رساله فتحته ولقيت مكتوب فيها بوابه الحكومه المصريه تهنئك لترشيحك لكليه الطب فرحت كتيير وكلمت بابا وتيته وماما برضه كانت فرحانه اوى اصل انا فعلاا السنه دى تعبت وشفت سنتين مشفتش زيهم يا رب بس افلح ف الكليه وابقى كويسه وابقى دكتوره عارفه طبعا ان مهنه الطب صعبه مش سهله والكليه طويله ومفيش اجازات كتيير بس زى مانتوا عارفين من طلب العلا سهر الليالى

سلام

دكتور زاهى حواس

2007-07-30T10:08:00.000-07:00

من فضلكم حد يعرف ايميل او موقع الدكتور زاهى حواس لو حد عارفه ياريت تقولى علشان عاوزه اسالوا ف حاجه ضرورى
سلام

على ارض مصر الحبيبه

2007-07-25T15:38:00.000-07:00

على ارض مصر نشات: ومن مجاريها شربت
ومن مصائبها استظليت: ومن كوارثها بكيت
ومن مناهجها عانيت :ومن دراستها تعبت
ولكن لا الومك يا ارض مصر: ولكن الوم من ابكانى
الوم من اتعبنى: الوم من ارهقنى
الوم من اشربنى المجارى
اول قصيده من تاليف شاعره الشعر الحديث نفرتيتى
ملحوظه
ف البيت الاول تصريع وهناك حسن تقسيم فى جميع الابيلت وهناك قافيه ف الثلاث ابيات الاولى وقافيه ف البيتين الاخيرينولم اعمل على وحده القافيه من اجل ابعاد الرتابه والملل وهذا يدل على ان القصيده مليئه بالمحسنات البديعيه
مواطن الجمال: على ارض مصر :تقديم افاد التخصيص والتوكيدوكذلك من مجاريها شربت
من مجاريها شربت :كنايه عن المعاناه
ومن مصائبها:تقديم للتخصيص والتوكيد وايضا من مناهجها ومن كوارثها
مصائبها استظليت:استعاره مكنيه حيث صورت الشاعره المصائب بصوره شمسيه يستظل بها الانسان الحزين من كثره المصائبوسر جمال الصوره التجسيم
من كوارثها بكيت استعاره مكنيه حيث صورت الشاعره كانها شىء يبكى الانسان من هولها حيث يشيب لهولها راس الفتاه وسر جمال الصوره التجسيم
من مناهجها عانيت استعاره مكنيه حيث صورتالشاعره المناهج بصوره انسان ظالم متوحش جبار تعانى منه الشاعرهوسر جمال الصوره التشخيص
من دراستها تعبت:كنايه عن شده التعب والارهاق وهى استعاره مكنيه حيث صضورت الشاعره الدراسه كانها انسان ظالم يتعبها وسر جمال الصوره التشخيص,لكن :تفيد الاستدراك حيث فيها استدراك لمنع الفهم الخطا وهى لا توجه اللوم على بلدها الحبيبه انما توجه اللوم على كل من فعل بها هذا \يا ارض مصر:نداء للتعظيم
الوم من ابكانى الوم من اتعبنى الوم من ارهقنى كنايه عن انفجار الشاعره من شده الارف الذى تعيش فيه وشده الحزن والملل والتعب\يوخذ على الشاعره استعمالها ف البيت التالت كلمه تعبت لانها لفظ عام ويجرى على السنه العامه
وفى النهايه اختم قصيدتى التى شرحتها شرحا وافيا وحافظت على قواعد اللغه العربيه واستخدمت الاستعارات والكنايات والمحسنات البديعيه
اود التعليق لو فى اى موطن جمالى تانى قولولى
بقلم نفرتيتى
ملحوظه ارجو اضافه اسم هذه اتلشاعلره العبقريه فى كتاب الادب ف الشعر الحديث

معلش يا جماعه طبعا انا عارفه ان القصيده صغيره ومسش مستاهله ده كله بس دى اول تجربه ليه

ما شاء الله

2007-07-21T04:51:00.000-07:00

صور لمخلوقات عجيبه موجوده على الارض انا بصراحه معرفش اى معلومات عن المخلوقات دى ولا حتى
اساميها انا بس لقيتها على النت وحبيت اوريهالكوا لو حد عندوا اى معلومات ياريت يقولى
فتبارك الله احسن الخالقين)

my favorite car

2007-07-20T05:18:00.000-07:00

عقبال يااااااارب لما اجيب واحده زيها كمان ميه سنه ولا حاجه ههههههه

بعد النتيجه

2007-07-18T15:52:00.000-07:00

الحمد لله النتيجه طلعت وفرحت كتيير الحمد لله انا وصحابى تقريبا كلنا جبنا مجاميع كبيره الحمد لله رحت المدرسه خدت الملف والظرف اللى فيه الباس ورد بتاعتى الى هدخل عليها على الموقع فتحت الظرف انا وصحابى لقينا فيه خط موبينيل هديه فرحنا اوى هما قالولنا ان الخط ده موبينيل موزعاه على طلبه الثانويه كلهم اللى ف تالته ثانوى انا اصلا عندى موبايل بخط فودافون قلت بقى يا سلام خط ف فودافون وخط تانى ف موبينيل وقريب هجيب خط اتصالات ههههه اصل انا بقى شخصيه مهمه وسيده اعمال ههههه
بس المهم عايزه ادخل معاكوا ف الموضوع انا محتاره اوى اليومين دول مش عارفه ادخل كليه ايه طب ولا اسنان وبعدين قالولى الصيدله مقرفه ودراستها صعبه واللى ف طب قالولى متدخليهاش هم بيقولوا كده لان الكليات مش بتوفر حاجات عمليه كتيير فالطلبه بيخرجوا مش عارفين يعاملوا المريض ازاى وحسوا ان اللى تعلموه ملهوش لازمه والاسنان بيقولوا حلوه ومناهجها صغيره بس برضه مش حبه قوى انى اكون دكتوره اسنان معرفش ليه
فمن فضلكوا ياريت لو حد فيكوا ف طب او اسنان او حتى صيدله يقولى ايه نصيحته ورايه ادخلها ولا لا ولو انتوا مش ف كليه من دول شوفوا اقاربكم اي حاجه بس من فضلكوا يا ريت بسرعه لان التنسيق الالكترونى هيفتح يوم السبت

ana nge7t ya 3alam

2007-07-16T18:15:00.000-07:00

انا الحمد لله نجحت اصل انا ف تالته ثانوى وجبت 99ونص
انا فرحانه بجد مكنتش متوقعه المجموع ده خالص بس انا مبسوطه لانى فعلا تعبت اوى السنه دى كنت طوول السنه عايزه اعمل البلوج بس كنت خايفه كتيير لحسن يعطلنى عن المذاكره علشان كده عملتوا بعد لما خلصت الامتحانات عايزاكم تباركولى سلام بقى علشان هغير الموود اللى تحت

SOME WISES

2007-07-14T11:16:00.000-07:00

DO THE BEST TO BE THE BEST
STEP BY STEP YOU REACH THE TOP
WHAT WILL BE WILL BE
EVERY ONE WILL REAP THE FRUIT OF HIS DEEDS
TODAY SWEaT SAVE FUTURE TEARS
IF YOU STUDY HARD YOUR GOD WILL BE WITH YOU
NO PAIN NO GAIN

the AtoZ of a successful life

2007-07-14T10:11:00.000-07:00

هم دول مش انا اللى كاتباهم بس سمعت ان لما حد من الفلبين بيسافر بيدوهاله ف المطار

(DONT JUST REMEMBER IT /PRACTISE IT)

Arrive alittle early for every date or appointment

Be enthusiastic in every thing you do

Complete every assigned task

Do a little bit more than what is required

Express your self after you know the facts

Feel comfortable in every situation by being your self

Go all out to serve others

Help and play for your enemies

Join in and help when you are needed

Keep your head cool,it will save you more troubles

Listen with your heart not your ears

Make the best with what you have

Never say it hard instead try your best

Open your heart to those less fortunate than you

please yourself by pleasing others

Quickly respond to any emergency needs

Remember the spirit of love should be every day

Study, so as to excel in your profession

Take advantage of opportunity

Use spare time intelligently

Value your health

X-out any qualities that could lead to failuers

You are the most important asset

Z estfully meet any challenge

بلوج جديد

2007-07-14T10:03:00.000-07:00

ده البلوج الجديد بتاعى بتمنى انه ينال اعجابكم واشوف تعليقاتكم باذن الله
ححاول اكتب ف حاجات متنوعه ممكن تلاقونى بكتب مواضيع هايفه بس هو ده اللى ف دماغى
سلام